ព័ត៌មាន
លោកនាយករដ្ឋមន្ត្រី Pham Minh Chinh ប្រកាសបើកសម្ពោធគម្រោងផ្លូវល្បឿនលឿនសមាសភាគ Nha Trang - Cam Lam និង Vinh Hao - Phan Thiet
នារសៀលថ្ងៃទី១៨ ខែមិថុនា ឆ្នាំ២០២៣ ក្រសួងគមនាគមន៍ដឹកជញ្ជូនវៀតណាមបាន សម្របសម្រួលជាមួយខេត្ត Khanh Hoa និង Binh Thuan រៀបចំពិធីបើកសម្ពោធគម្រោងផ្លូវល្បឿនលឿនសមាសភាគ Nha Trang - Cam Lam និង Vinh Hao - Phan Thiet។ លោកនាយករដ្ឋមន្ត្រី Pham Minh Chinh អញ្ជើញចូលរួមពិធីនៅខេត្ត Khanh Hoa។
ថ្លែងមតិនៅពិធីនេះ លោកនាយករដ្ឋមន្ត្រី Pham Minh Chinh បានអះអាងថា ច្រករបៀងដឹកជញ្ជូនខាងជើង-ខាងត្បូង ដើរតួនាទីយ៉ាងសែនសំខាន់ ដែលជាឆ្អឹងខ្នងនៃច្រករបៀងសេដ្ឋកិច្ច-ដឹកជញ្ជូនរបស់ប្រទេសជាតិ។ ដូច្នេះ ដើម្បីបង្កើតឡើងកម្លាំងចលករ និងពង្រីកសក្ដានុពល ប្រៀបខ្លាំងរបស់ខេត្តក្រុងនានានៅតាមច្រករបៀងនេះ ផ្លូវល្បឿនលឿនជើង-ត្បូងផ្នែកភាគខាងកើត ត្រូវបានរចនាដោយមានប្រវែងសរុបជាង ២.០០០ គីឡូម៉ែត្រ ពីច្រកទ្វារព្រំដែន Huu Nghi - Lang Son ដល់ខេត្ត Ca Mau ដោយឆ្លងកាត់ខេត្តក្រុងចំនួន ៣២; ហើយបានសម្រេចនិងដាក់ឱ្យដំណើរការជាង ៨០០ គីឡូម៉ែត្រ។
លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា ការសម្រេចខ្សែផ្លូវល្បឿនលឿនចំនួនពីរគឺ Nha Trang - Cam Lam និង Vinh Hao - Phan Thiet មានតួនាទី និងអត្ថន័យដ៏ធំធេងក្នុងការអភិវឌ្ឍសេដ្ឋកិច្ចសង្គមនៃខេត្ត Khanh Hoa និង Binh Thuan និយាយដោយឡែក តំបន់ឆ្នេរប៉ែកខាងត្បូងភូមិភាគកណ្ដាលនិងប្រទេសជាតិនិយាយរួម៕
