ទិដ្ឋភាពនៃកិច្ចប្រជុំ
នៅក្នុងកិច្ចប្រជុំរដ្ឋាភិបាលប្រចាំខែតុលា ដែលបានប្រព្រឹត្តទៅនាថ្ងៃទី២៩ ខែតុលា ឆ្នាំ២០១៦នៅទីក្រុងហាណូយ នាយករដ្ឋមន្ត្រីរដ្ឋាភិបាល លោក Nguyen Xuan Phucបានលើកច្បាស់ថាកំណើនសេដ្ឋកិច្ចត្រីមាសទាំងបីគឺទទួលបាន៥,៩៣%។ នេះជាការសាកល្បងធំមួយសម្រាប់គោលដៅ ដែលបានដាក់ចេញក្នុងឆ្នាំ២០១៦គឺទទួលបានកំណើនពី៦,៣ដល់៦,៥%។ ប៉ុន្តែ ដោយស្មារតីប្តេជ្ញាទទួលបានកម្រិតកំណើននេះ នាយករដ្ឋមន្ត្រីបានបញ្ជាណែនាំសមាជិក រដ្ឋាភិបាលឲ្យផ្តោតសំខាន់ពិភាក្សាលើវិធាន ការមួយចំនួនដើម្បីអាចសម្រេចបានគោលដៅដែលបានដាក់ចេញ។ លោក Nguyen Xuan Phuc មានប្រសាសន៍ថា៖
“បរិមាណកំណើនគឺពាក់ព័ន្ធទៅនឹងគោលដៅផ្សេងៗទៀត ជាពិសេសគឺបញ្ហាបំណុលសាធារណៈប្រសិនបើយើងមិនសម្រេច បាននូវកំណើន។ តាមនោះ ខ្ញុំស្នើឲ្យក្រសួងស្ថាប័ននានាត្រូវពិភាក្សាឲ្យបានម៉ត់ចត់ដើម្បីនាំចេញដំណោះស្រាយធានាកំណើនសម្រេច តាមគោលដៅដែលបានដាក់ចេញគឺពី៦,៣ដល់៦,៥%ក្នុងឆ្នាំ២០១៦។
ក្នុងនោះមានវិធានការរំដោះទុនវិនិយោគផងដែរ”។ ស្តីពីលទ្ធផលអនុវត្តភារកិច្ចក្នុងខែតុលា នាយករដ្ឋមន្ត្រីបានវាយតម្លៃថា រដ្ឋាភិបាលបានរៀបចំប្រកបដោយជោគជ័យ នូវព្រឹត្តិការណ៍ការទូតធំបំផុតក្នុងឆ្នាំគឺសន្និសីទវេទិការសេដ្ឋកិច្ចពិភពលោក ស្តីពីតំបន់មេគង្គ សន្និសីទជាន់ខ្ពស់សហប្រតិបត្តិការកម្ពុជា-ឡាវ-មីយ៉ាន់ម៉ា និងវៀតណាមលើកទី៨និងសន្និសីទជាន់ខ្ពស់ សហប្រតិបត្តិការយុទ្ធសាស្ត្រទន្លែទាំងបី អាយ៉េយ៉ាវ៉ាឌី- ចៅប្រាយ៉ា-មេគង្គលើកទី៧។ ដោយការខិតខំប្រឹងប្រែងក្នុងការងារត្រៀមរៀបចំនោះ វៀតណាមបានស្តែងចេញនូវតួនាទីរបស់ខ្លួនក្នុងតំបន់ និងលើពិភពលោក បន្សល់ទុកនូវចំណាប់អារម្មណ៍សម្រាប់ភាគី ចូលរួមសន្និសីទ។ នាយករដ្ឋមន្ត្រីបានចាត់ទុកថា នេះជាបទពិសោធន៍សំខាន់សម្រាប់វៀតណាម រៀបចំប្រកបដោយជោគជ័យនូវសន្និសីទ APEC ២០១៧ ខាងមុខ៕
តាម VOV5 - វិទ្យុសំឡេងវៀតណាម
