យន្តការអាស៊ាន +៣ គប្បីឆ្ពោះទៅ
កិច្ចសហប្រតិបត្តិការចូលក្នុងកំណើនសេដ្ឋកិច្ចនៅតំបន់
នាព្រឹកថ្ងៃទី ១៤ ខែវិច្ឆិកា ឆ្នាំ២០១៧ ក្នុងក្របខ័ណ្ឌសន្និសីទជាន់ខ្ពស់ អាស៊ាន - ៣១ និងសន្និសីទទាក់ទិននានា នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញចូលរួមសន្និសីទជាន់ខ្ពស់ អាស៊ាន+៣ (ចិន ជប៉ុន និងកូរ៉េខាងត្បូង) ។
នៅទីនេះ ថ្នាក់ដឹកនាំ ចិន ជប៉ុន និងកូរ៉េខាងត្បូង បានអនុម័តលើ "សេចក្តីប្រកាសទីក្រុងម៉ានីលស្តីពីពិធីរំលឹកខួបអនុស្សវរីយ៍លើកទី ២០ ទិវាសហប្រតិបត្តិការអាស៊ាន+៣ សំដៅរំលឹកឡើងវិញនូវសមិទ្ធិផលនានាដែលបានទទួលបាន ហើយអះអាងការប្តេជ្ញាចិត្តក្នុងការបន្តពង្រឹងកិច្ចសហប្រតិបត្តិការលើវិស័យ នយោបាយ សេដ្ឋកិច្ច ហិរញ្ញវត្ថុ សេដ្ឋកិច្ច និងសង្គមកិច្ច។
ថ្នាក់ដឹកនាំចិន ជប៉ុន និងកូរ៉េខាងត្បូងបានអះអាងនូវការសន្យាជាមួយកិច្ចសហប្រតិបត្តិការតំបន់ ពាណិជ្ជកម្មសេរី អភិវឌ្ឍន៍សេដ្ឋកិច្ចឌីជីថល តភ្ជាប់ហេដ្ឋារចនាសម្ព័ន្ធ ហើយមានបំណងឆាប់បញ្ចាប់កិច្ចចរចាលើកិច្ចព្រមព្រៀងដៃគូពេញលេញនៅតំបន់ (RCEP)។
ក្នុងឱកាសនេះថ្នាក់ដឹកនាំបានអនុម័តលើឯកសារគឺ "សេចក្តីថ្លែងការណ៍របស់ថ្នាក់ដឹកនាំស្ដីពីសន្តិសុខស្បៀងអាហារ" និងទទួលយកនូវឯកសារចំនួន ២ គឺ៖ "របាយការណ៍អំពីដំណើរការអនុវត្តផែនការសកម្មភាពសហប្រតិបត្តិការអាស៊ាន+៣ និង"ផែនការសកម្មភាពសហប្រតិបត្តិការសេដ្ឋកិច្ចអាស៊ាន +៣" ។
នៅក្នុងសន្និសីទនេះ លោក Nguyen Xuan Phuc បានស្នើថា យន្តការអាស៊ាន +៣ គប្បីឆ្ពោះទៅកិច្ចសហប្រតិបត្តិការចូលក្នុងកំណើនសេដ្ឋកិច្ចនៅតំបន់ ជាពិសេសគឺពាណិជ្ជកម្ម ហិរញ្ញវត្ថុ និងហេដ្ឋារចនាសម្ព័ន្ធជាដើម៕
តាម VOV5 - វិទ្យុសម្លេងវៀតណាម
