ឧបនាយករដ្ឋមន្រ្តីវៀតណាមលោក Trinh Dinh Dung ស្នើឲ្យខេត្ត/ក្រុងត្រូវអំពាវនាវនាវានេសាទរកជម្រកមានសុវត្ថិភាព ឬមិនធ្វើដំណើរចូលទៅកាន់តំបន់ដែលមានគ្រោះថ្នាក់ខ្ពស់ ក៏ដូចជាធ្វើការជម្លៀសប្រជាជនឲ្យចេញពីបន់គ្រោះថ្នាក់មុនពេលព្យុះនេះបោកបក់មកលើដីគោកផងដែរ។
នៅក្នុងកិច្ចប្រជុំកាលថ្ងៃទី ២ ខែវិច្ឆិកា នៅទីក្រុងហាណូយស្តីពីការឆ្លើយតបនឹងព្យុះ Goni ឧបនាយករដ្ឋមន្រ្តី វៀតណាមលោក Trinh Dinh Dung ប្រធានគណៈកម្មាធិការបញ្ជាដឹកនាំមជ្ឈិមផ្នែកការបង្ការនិងទប់ទល់គ្រោះមហន្តរាយធម្មជាតិ និងជាប្រធានគណៈកម្មាធិការជាតិទទួលបន្ទុកការទប់ទល់នឹងគ្រោះមហន្តរាយធម្មជាតិនិងស្វែងរកជួយ សង្គ្រោះបន្ទាន់ បានស្នើឲ្យខេត្តនិងក្រុងនានាត្រូវតែមានភាពម្ចាស់ការក្នុងការទប់ទល់នឹងព្យុះហ្គូនី ព្រមទាំងបន្តជំនះពុះពាលើផលវិបាកនៃជំនន់ទឹកភ្លៀងនិងព្យុះលេខ ៩ (Molave)។
ទន្ទឹមនឹងនេះ លោកឧបនាយករដ្ឋមន្រ្តីក៏បានស្នើឱ្យបញ្ជាការដ្ឋានការពារព្រំដែន ត្រូវសម្របសម្រួលជាមួយអគ្គនាយកដ្ឋានជលផល រួមទាំងជាមួយបណ្តាខេត្តនិងក្រុង ដែលរងផលប៉ះពាល់ដោយព្យុះហ្គូនី ដោយជំរុញការអំពាវនាវនាវានេសាទត្រូវរកជម្រកមានសុវត្ថិភាព ឬមិនធ្វើដំណើរចូលទៅកាន់តំបន់ដែលមានគ្រោះថ្នាក់ ក៏ដូចជាធ្វើការជម្លៀសប្រជាជនឲ្យចេញពីបន់គ្រោះថ្នាក់មុនពេលព្យុះនេះបោកបក់មកលើដីគោកផងដែរ។
លើសពីនេះទៀត ចាំបាច់ត្រូវធានាសុវត្ថិភាពសម្រាប់បឹងវារីអគ្គិសនី ប្រព័ន្ធធារាសាស្ត្រនិងទំនប់ផងដែរ៕
តាម VOV5 - វិទ្យុសំឡេងវៀតណាម
