នាព្រឹកថ្ងៃទី៩ ខែមីនា នៅទីក្រុងហាណូយ ពិធី បង្ហាញមុខសៀវភៅស “សាសនា និងគោលនយោបាយសាសនានៅវៀតណាម”បានប្រព្រឹត្តិទៅជាផ្លូវការ។
អញ្ជើញថ្លែងនៅក្នុងពិធីនេះ លោក Nguyen Tien Trong អនុប្រធានគណៈកម្មការសាសនារដ្ឋាភិបាលវៀតណាមបានឲ្យដឹងថា នាបច្ចុប្បន្ន នៅវៀតណាមមានសាសនិក ជាង ២៦,៥ លាននាក់ (ស្រូបយក ២៧% នៃចំនួនប្រជាជនទូទាំងប្រទេស) និងក្រុមសាសនារាប់ពាន់នៅទូទាំងប្រទេស។ ដើម្បីជួយប្រជាជនទាំងក្នុង និងក្រៅប្រទេសយល់ដឹងយ៉ាងច្បាស់លាស់ និងពេញលេញអំពីគោលនយោបាយសាសនា ជីវភាពរស់នៅខាងសាសនានៅវៀតណាម គណៈកម្មការសាសនារដ្ឋាភិបាលបានចងក្រង និងបង្ហាញសៀវភៅស “សាសនា និងគោលនយោបាយសាសនានៅវៀតណាម។ លោកបានអះអាងថា៖ “ដោយផ្អែកលើមូលដ្ឋាននៃសមិទ្ធិផលដែលសម្រេចបាននាពេលកន្លងទៅ ដែលត្រូវបានប្រពលរដ្ឋទាំងក្នុងប្រទេស និងមិត្តភក្កិអន្តរជាតិទទួលស្គាល់ ក្នុងស្មារតីសន្ទនាបើកចំហ កិច្ចសហប្រតិបត្តិការទ្វេភាគី និងពហុភាគីប្រកបដោយប្រសិទ្ធភាពជាមួយបណ្តាប្រទេស និងអង្គការអន្តរជាតិនានា វិស័យសិទ្ធិមនុស្ស សាសនា រដ្ឋវៀតណាមបាន កំពុង ហើយនឹងប្តេជ្ញាចិត្តអនុវត្តន៍គោលដៅធានា ការពារ និងជំរុញសិទ្ធិជាមូលដ្ឋានរបស់ប្រជាជន ក្នុងនោះមានសិទ្ធិសេរីភាពខាងជំនឿសាសនាឲ្យកាន់តែល្អប្រសើរឡើងពីមួយថ្ងៃទៅមួយថ្ងៃផងដែរ”៕
