ក្នុងសប្តាហ៍កន្លងទៅ ឯកអគ្គរដ្ឋទូតវៀតណាមប្រចាំនៅអាមេរិក លោក Pham Quang Vinh បានមានជួបពិភាក្សាជាមួយដៃគូអាមេរិក ដើម្បីបង្កើនទំនាក់ទំនងកិច្ចសហប្រតិបត្តិការនៃប្រទេសទាំងពីរ ក្នុងនោះមានជំនួបពិភាក្សាជាមួយ សភាពាណិជ្ជកម្មអាមេរិក (USCC) ក្រុមប្រឹក្សាអាជីវកម្មអាស៊ាន - អាមេរិក (USABC) និងជំនួបជាមួយសមាជិកព្រឹទ្ធសភាអាមេរិក លោក Patrick Leahy។
ឯកអគ្គរដ្ឋទូតវៀតណាមប្រចាំនៅអាមេរិក លោក Pham Quang Vinh
នៅជំនួបទាំងនេះ លោក Pham Quang Vinh បានចែករំលែកនិងវាយតម្លៃចំពោះសារៈសំខាន់នៃការអភិវឌ្ឍទំនាក់ទំនងភាពជាដៃគូលើគ្រប់ជ្រុងជ្រោយរវាងវៀតណាមនិងអាមេរិក ក៏ដូចជាភាពជោគជ័យនៃបណ្តាដំណើរទស្សនកិច្ចជាន់ខ្ពស់ជាបន្តបន្ទាប់នៃប្រទេសទាំងពីរក្នុងរយៈពេលជាង ៣ ឆ្នាំកន្លងទៅ។ លោក Pham Quang Vinh ក៏បានថ្លែងអំណរគុណចំពោះលោក Patrick Leahy និងមិត្តភក្តិអាមេរិកដែលបានរួមវិភាគទានដ៏ថ្លៃថ្លាក្នុងការបង្កើនទំនាក់ទំនងភាពជាដៃគូលើគ្រប់វិស័យវៀតណាមនិងអាមេរិកឲ្យកាន់តែអភិវឌ្ឍន៍ដ៏ខ្លាំងក្លាផងដែរ៕
តាម VOV5 - វិទ្យុសម្លេងវៀតណាម
