ប្រធានរដ្ឋសភាវៀតណាម លោក Vuong Dinh Hue ទើបបានចុះហត្ថលេខាចេញផ្សាយសេចក្តីសម្រេចចិត្តស្តីពីសកម្មភាពសួរដេញដោលនៅសម័យប្រជុំលើកទី ១៤ នៃគណៈកម្មាធិការអចិន្ត្រៃយ៍រដ្ឋសភានីតិកាលទី ១៥។ សេចក្តីសម្រេចចិត្តតម្រូវឱ្យរដ្ឋាភិបាល លោកនាយករដ្ឋមន្ត្រី បណ្ដារដ្ឋមន្ត្រី និងប្រធានស្ថាប័នស្មើក្រសួងសុក្រិតគោលនយោបាយ និងច្បាប់ស្ដីពីកិច្ចការពារសន្តិសុខ និងសណ្តាប់ធ្នាប់; បង្កើនការប្រយុទ្ធប្រឆាំងបទល្មើស ធានាសណ្តាប់ធ្នាប់ និងសុវត្ថិភាពសង្គម។ បន្តលើកកម្ពស់គុណភាព និងប្រសិទ្ធភាពការងារស៊ើបអង្កេតបទល្មើស។ សុក្រិតមូលដ្ឋានគតិយុត្តលើវិស័យសន្តិសុខអ៊ីនធឺណិត ការពារហេដ្ឋារចនាសម្ព័ន្ធលំហអ៊ីនធឺណិតជាតិ។ សេចក្ដីសម្រេចចិត្តបានចែងថា យឺតបំផុតគឺត្រឹមថ្ងៃទី ៣០ ខែកញ្ញា ឆ្នាំនេះ គឺត្រូវសម្រេចរួចរាល់ការផ្ដល់អត្តសញ្ញាណប័ណ្ណពលរដ្ឋបំពាក់ឈីពអេឡិចត្រូនិច តាមសំណើរបស់ប្រជាពលរដ្ឋដែលមានលក្ខខ័ណ្ឌពេញលេញតាមច្បាប់កំណត់ ធានាថាទន្នន័យប្រើប្រាស់ត្រូវត្រឹមត្រូវ ពេញលេញ និងទាន់ពេលវេលា។