ព័ត៌មាន
នាយករដ្ឋមន្ត្រីវៀតណាម លោក Nguyen Xuan Phuc បានជួបសន្ទនាជាមួយប្រធានរដ្ឋសភាស៊ុយអែត លោក Andreas Norlen
នាយករដ្ឋមន្ត្រីវៀតណាម លោក Nguyen Xuan Phuc បានអញ្ជើញជួបសន្ទនាជាមួយប្រធានរដ្ឋសភាស៊ុយអែត លោក Andreas Norlen
នាថ្ងៃទី២៨ ខែឧសភា ឆ្នាំ២០១៩ នាយករដ្ឋមន្ត្រី វៀតណាម លោក Nguyen Xuan Phuc បានអញ្ជើញ ជួប សន្ទនាជាមួយប្រធានរដ្ឋសភាស៊ុយអែត លោក Andreas Norlen ។ ក្នុងជំនួបនេះ ភាគីទាំងពីរ បានឯកភាពលើវិធានការជាច្រើន ដើម្បីជំរុញទំនាក់ទំនងទ្វេភាគីឲ្យមានការអភិវឌ្ឍន៍ឱ្យកាន់តែស៊ីជម្រៅ ដោយឈរលើភាពជាដៃគូមានផលប្រយោជន៍ទៅវិញទៅមក។ នាយករដ្ឋមន្ត្រី Nguyen Xuan Phuc បានស្នើររដ្ឋសភានៃភាគីទាំងពីរ បន្តការផ្លាស់ប្តូរនិងសហប្រតិបត្តិការ ក៏ដូចជាគាំទ្រការអនុវត្តនូវកិច្ចព្រមព្រៀងសហប្រតិបត្តិការនិងដាក់ចេញទិសដៅថ្មីរវាងប្រទេសទាំងពីរ។
ចំណែកឯប្រធានរដ្ឋសភាស៊ុយអែត លោក Andreas Norlen បានអះអាងថា: រដ្ឋសភា ស៊ុយអែតគាំទ្រនិងខិតខំជំរុញការចុះហត្ថលេខានិងអនុម័តយ៉ាងឆាប់ៗ លើកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EVFTA) និង កិច្ចព្រមព្រៀងការពារវិនិយោគរវាងវៀតណាម និងសហភាពអឺរ៉ុប (EVIPA) ពីព្រោះនោះគឺជាផលប្រយោជន៍របស់ភាគីទាំងអស់។ ការចុះហត្ថលេខាលើកិច្ចព្រមព្រៀងដ៏មានសារៈសំខាន់ទាំងនេះ នឹងបង្កើតឱ្យមានកម្លាំងចលករដើម្បីជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងវៀតណាម ជាមួយប្រទេសជាសមាជិកនៃសហភាពអឺរ៉ុប ក្នុងនោះមានស៊ុយអែតតែម្តង។
នារសៀលថ្ងៃទី ២៨ ខែឧសភា (តាមម៉ោងវៀតណាម) ប្រធានរដ្ឋសភាស៊ុយអែតបានរៀបចំពិធីជប់លៀងជូនចំពោះ នាយករដ្ឋមន្ត្រីវៀតណាមលោក Nguyen Xuan Phuc ភរិយានិងគណៈប្រតិភូជាន់ខ្ពស់វៀតណាម ក្នុងឱកាសនៃដំណើរទស្សនកិច្ចជាផ្លូវការនៅស៊ុយអែតលើកនេះ។ នៅពេល្ងាចថ្ងៃដដែល ពោលគឺនាយប់ថ្ងៃទី ២៨ ខែ ខែឧសភា នាយករដ្ឋមន្ត្រី លោក Nguyen Xuan Phuc ភរិយានិងគណៈប្រតិភូជាន់ខ្ពស់វៀតណាម បានចាកចេញពីប្រទេសស៊ុយអ៊ែត វិលត្រឡប់មកវៀតណាមវិញ បញ្ចប់ដំណើរប្រកប ដោយជោគជ័យនូវដំណើរទស្សនកិច្ចប្រទេសស៊ុយអែត៕
តាម VOV5 - វិទ្យុសំឡេងវៀតណាម
