យោងតាមរបាយការណ៍ស្តីពីលទ្ធផលប្រតិបត្តិការនៃផ្នែកធនាគារក្នុងឆមាសទី១ និងការអនុវត្តភារកិច្ចសម្រាប់ឆមាសទី២ឆ្នាំនេះ របស់ធនាគាររដ្ឋវៀតណាមបានឲ្យ ដឹងថា គិតត្រឹមចុងខែមិថុនា អត្រាការប្រាក់បញ្ញើនិងអត្រាការប្រាក់កម្ចីជាមធ្យមនៃ ប្រតិបត្តិការថ្មីជាប្រាក់ដុងរបស់ធនាគារពាណិជ្ជនានាបានថយចុះប្រហែល ១%/ឆ្នាំ បើធៀបនឹងចុងឆ្នាំមុន។ ក្នុងរយៈពេល ៦ ខែដើមឆ្នាំនេះ ឥណទានបានកើនឡើង ៤,៧៣%។ ទីផ្សាររូបិយប័ណ្ណបរទេសក្នុងស្រុកនិងអត្រាប្តូរប្រាក់មានស្ថិរភាពជា មូលដ្ឋាន សន្ទនីយភាពទីផ្សារមានភាពរលូន ហើយតម្រូវការរូបិយប័ណ្ណបរទេសស្រប ច្បាប់ត្រូវបានបំពេញយ៉ាងពេញលេញ។ លោក Dao Minh Tu ទេសាភិបាលរង ធនាគាររដ្ឋបានឲ្យដឹងថា៖
“ក្នុងប៉ុន្មានខែដើមឆ្នាំនេះ ដោយសារឥទ្ធិពលនៃកត្តាជាច្រើន ក្នុងនោះមានការ លំបាករបស់ប្រទេសជាតិ បន្ទាប់ពីរយៈពេល ២ ឆ្នាំនៃការរីករាលដាលនៃមេរោគ COVID-១៩ ការប្រែប្រួលសេដ្ឋកិច្ចពិភពលោកនៅតែមានភាពស្មុគស្មាញ ដូច្នេះឥណ ទានរបស់ធនាគារក៏រងផលប៉ះពាល់យ៉ាងច្រើនផងដែរ។ ទោះជាយ៉ាងណាក៏ដោយ នៅតែមានគោលដៅធំៗដែលធនាគាររដ្ឋធានាបាន នោះគឺស្ថិរភាពម៉ាក្រូសេដ្ឋកិច្ច ការគ្រប់គ្រងអតិផរណាតាមការរំពឹងទុក តម្លៃនៃប្រាក់ត្រូវបានរក្សាស្ថិរភាព អត្រាការ ប្រាក់ត្រូវបានគ្រប់គ្រងយ៉ាងយកចិត្តទុកដាក់”។
ធនាគាររដ្ឋបាននិយាយថា ការកាត់បន្ថយអត្រាការប្រាក់ប្រតិបត្តិការចំនួន៤ដងជាប់ៗគ្នាក្នុង ប៉ុន្មានខែថ្មីៗនេះ គឺជាជំហានចាំបាច់ដើម្បីបង្កើនលទ្ធភាពទទួលបានដើមទុន និងដោះស្រាយការ លំបាកសម្រាប់ប្រជាពលរដ្ឋ និងសហគ្រាសតាមការដឹកនាំរបស់រដ្ឋាភិបាល៕
