ប្រធានរដ្ឋសភាវៀតណាមលោកស្រី Nguyen Thi Kim Ngan អញ្ជើញទៅជូនពរនៅអគារប៊ីស្សពទីក្រុងហូជីមិញ (រូបថត៖ VOV)
ក្នុងឱកាសបុណ្យណូអែលនិងចូលឆ្នាំថ្មីសកល២០១៩ នាព្រឹកថ្ងៃទី១៩ ខែធ្នូ ឆ្នាំ២០១៨ នៅទីក្រុងហូជីមិញ ប្រធានរដ្ឋសភាវៀតណាម លោកស្រី Nguyen Thi Kim Ngan រួមជាមួយថ្នាក់ដឹកនាំរដ្ឋសភា និងទីក្រុងហូជីមិញបានអញ្ជើញទៅសាកសួរសុខ ទុក្ខនិងជូនពរចំពោះបណ្ដាអ្នកមុខអ្នកការ ប៊ីស្សព និងជនរួមជាតិគ្រីស្ទសាសនា នៅទីក្រុងហូជីមិញ។
នៅក្នុងជំនួបនេះ ប្រធានរដ្ឋសភាលោកស្រី Nguyen Thi Kim Ngan បាន ជូនដំណឹងអំពីស្ថានភាពអភិវឌ្ឍសេដ្ឋកិច្ចសង្គមក្នុងឆ្នាំ២០១៨ ហើយសង្កត់ធ្ងន់ថា ឆ្នាំ២០១៨ជាឆ្នាំដែលប្រទេសជាតិទទួលបានជោគជ័យជាច្រើនលើគ្រប់វិស័យ។ ដោយស្នាដៃទាំងនោះ បក្សនិងរដ្ឋវាយតម្លៃខ្ពស់ចំពោះការរួមចំណែកដ៏ធំធេង របស់ជនរួមជាតិគ្រីស្ទសាសនិកក្នុងទូទាំងប្រទេសនិយាយរួមនិងនៅទីក្រុងហូជីមិញនិយាយដោយឡែក ដែលក្នុងនោះមានតួនាទីរបស់អ្នកមុខអ្នកការនានា ដែលបានណែនាំប្រជាគ្រីស្ទសាសនិកដើម្បីក្លាយទៅជាគ្រីស្ទសាសនិកល្អ ផងនិងពលរដ្ឋល្អរបស់ប្រទេសជាតិទៀតផង។
នាថ្ងៃដដែល គណៈប្រតិភូដឹកនាំដោយប្រធានគណៈកម្មាធិការមជ្ឈឹម រណសិរ្សមាតុភូមិវៀតណាមលោក Tran Thanh Man បានអញ្ជើញទៅសាកសួរ សុខទុក្ខនិងជូនពរបុណ្យណូអែលចំពោះប៊ីស្សព Nguyen Van Rien អនុប្រធាន និងជាអគ្គលេខាធិការ នៃគណៈកម្មាធិការសាមគ្គីគ្រីស្ទសាសនាវៀតណាមផងដែរ៕
តាម VOV5 - វិទ្យុសំឡេងវៀតណាម
