ប្រធានាធិបតីបារាំងលោក Emmanuel Macron
និង  នាយករដ្ឋមន្រ្តីកាណាដា លោក Justin Trudeau

នាថ្ងៃទី ៧ ខែមិថុនា ឆ្នាំ២០១៨ ប្រធានាធិបតីបារាំងលោក Emmanuel Macron បានឲ្យដឹងថា៖ នៅក្នុងសន្និសីទកំពូល ដែលនឹងប្រព្រឹត្តិទៅនាសប្ដាហ៍នេះ  ថ្នាក់ដឹកនាំនៃក្រុមប្រទេសឧស្សាហកម្មជួរមុខនៅលើពិភពលោក (G7) នឹងដាក់សម្ពាធទៅលើប្រធានាធិបតីអាមេរិក លោក Donald Trump អំពីការដំឡើងកម្រិតពន្ធនាំចូលចំពោះមុខទំនិញដែកថែប និងអាលុយមីញ៉ូមរបស់វាស៊ីនតោន ប៉ុន្តែនៅតែរក្សាអាកប្បកិរិយ៉ាទន់ភ្លន់ដើម្បីបញ្ចុះ​បញ្ចូល លោក Trump  ក្នុងការផ្លាស់ប្ដូរការត្រិះរិះ។

ថ្លែងមតិនៅក្នុងស្និសីទការសែត បន្ទាប់ពីកិច្ចពិភាក្សាការងារជាមួយនាយករដ្ឋមន្រ្តីកាណាដា លោក Justin Trudeau នោះ លោក Macron បានសង្កត់ធ្ងន់ថា៖ អាមេរិកគឺជាសម្ព័ន្ធមិត្តដ៏សំខាន់របស់សមាជិក G7។ សន្និសីទកំពូល G7 គឺជាឱកាសសម្រាប់ប្រទេសជាសមាជិក G7 មានជំនួបពិភាក្សាការងារបើកទូលាយនិងស្មោះត្រង់។
លោកបានលើកច្បាស់ថា៖ នៅក្នុងសន្និសីទកំពូលពោលខាងលើ អាចនឹងមានបញ្ហាមួយចំនួនដែលលោក  Trump មិនស្រុះចិត្តគំនិតទាំងស្រុងជាមួយសមាជិកនានានៃ G7 ឡើយ ដូចជា៖ ពាណិជ្ជកម្មនិងបម្រែបម្រូលអាកាសធាតុ។

រីឯខ្លួនវិញ នាយករដ្ឋមន្ត្រី លោក Trudeau បានចាត់ទុកថា៖ រាល់ហេតុផលរបស់លោក Trump អំពីសន្តិសុខជាតិ ដើម្បីការពារការការដំឡើងពន្ធនាំចូលចំពោះមុខទំនិញដែកថែបនិងអាលុយមីញ៉ូមពីបណ្ដាប្រទេសជាសម្ព័ន្ធមិត្ត​របស់ខ្លួបគឺជារឿង ១ គួរឲ្យអស់សំណើច។ ទោះបីជាយ៉ាងណាក៏ដោយ លោក Trudeau បានសម្តែងសុទិដ្ឋិនិយមអំពីលទ្ធផលនៃកិច្ចប្រជុំកំពូល G7 ផងដែរ៕

តាម VOV5 - វិទ្យុសម្លេងវៀតណាម