នាយករដ្ឋមន្រ្តីរដ្ឋាភិបាលវៀតណាមលោក Pham Minh Chinh ទើបនឹងបានចុះ ហត្ថលេខាលើសេចក្ដីសម្រេចស្ដីពីការបង្កើតបណ្ដាក្រុមការងារដើម្បីត្រួតពិនិត្យ ជំរុញ ដោះស្រាយការលំបាក ការជំពាក់ជំពិន ជំរុញខ្លាំងការបើកចំណាយទុនវិនិយោគសាធា រណៈឆ្នាំ២០២១ នៅតាមក្រសួង ស្ថាប័នមជ្ឈឹមនិងខេត្ត ក្រុងនានា។

តាមនោះ បង្កើត ក្រុមការងារចំនួន៦ក្រុមនៅតាមក្រសួង ស្ថាប័នមជ្ឈឹមនិងខេត្ត ក្រុងនានា ដែលមាន អត្រានៃការបើកចំណាយ ទុនវិនិយោគសាធារណៈឆ្នាំ២០២១ គិតត្រឹមថ្ងៃទី២១ ខែតុលា ឆ្នាំ២០២១ ក្រោម៦០%នៃផែនការដែលបានប្រគល់ជូន។ ក្រុមការងារដឹកនាំដោយ ឧបនាយករដ្ឋមន្រ្តីនិងរដ្ឋមន្រ្តីមួយចំនួន មានភារកិច្ចត្រួតពិនិត្យ បូកសរុបការលំបាក ការជំពាក់ជំពិន វិភាគមូលហេតុនៃការលំបាក ការជំពាក់ជំពិនក្នុងដំណើរការអនុវត្តន៍ គម្រោងវិនិយោគសាធារណៈ ជាពិសេសគឺគម្រោងដែលប្រើប្រាស់ទុន ODA និងទុន កម្ចីអនុគ្រោះ របស់អ្នកផ្ដល់ហិរញ្ញប្បទានបរទេសនៅតាមក្រសួង ស្ថាប័នមជ្ឈឹមនិង ខេត្ត ក្រុងនានា ព្រមទាំងលើកសំណើរ អនុសាសន៍  ដំណោះស្រាយ សំដៅជំរុញការ បើកចំណាយទុនវិនិយោគសាធារណៈ លើកកំពស់ប្រសិទ្ធភាពនៃការប្រើប្រាស់ដើម ទុនផងដែរ៕

តាម VOV5 - វិទ្យុសម្លេងវៀតណាម