ដំណើរទស្សនកិច្ចនេះ មានគោលបំណងលើកកម្ពស់កិច្ចសហប្រតិបត្តិការជាក់ស្តែងរវាងស្ថាប័ននីតិបញ្ញត្តិនៃប្រទេសទាំងពីរ ដោយរួមចំណែកដល់ការពង្រឹងកិច្ចសហប្រតិបត្តិការក្នុងវិស័យការពារជាតិ សន្តិសុខ សេដ្ឋកិច្ច ជាពិសេសវិទ្យាសាស្ត្រ បច្ចេកវិទ្យា និងវិស័យសហប្រតិបត្តិការថ្មីៗ ស្របតាមខ្លឹមសារនៃភាពជាដៃគូលើគ្រប់ជ្រុងជ្រោយវៀតណាម-ម៉ុងហ្គោលី។
យោងតាមអនុរដ្ឋមន្ត្រីក្រសួងការបរទេសលោក ង្វៀន មិញវ៉ូ ដំណើរទស្សនកិច្ចនេះ បានរួមចំណែកដល់ការលើកកម្ពស់កិច្ចសហប្រតិបត្តិការជាក់ស្តែងក្នុងវិស័យជាច្រើន ឱ្យស័ក្តិសមនឹងកិច្ចសហប្រតិបត្តិការនយោបាយដ៏ល្អប្រសើររវាងប្រទេសទាំងពីរ។
«អាចនិយាយបានថា កិច្ចសហប្រតិបត្តិការសភារវាងវៀតណាមនិងម៉ុងហ្គោលី ខ្វះដំណើរទស្សនកិច្ចកម្រិតខ្ពស់បែបនេះអស់រយៈពេលជាង ២០ ឆ្នាំមកហើយ ដែលរួមចំណែកដល់ការបង្កើតកម្លាំងរស់ថ្មីសម្រាប់ភាគីទាំងពីរ នៅកម្រិតថ្នាក់ដឹកនាំនៃសភាទាំងពីរ ថ្នាក់ដឹកនាំនៃគណៈកម្មាធិការឯកទេស សមាជិកសភាវ័យក្មេង និងសមាជិកសភាជាស្ត្រី ដើម្បីបង្កើនការផ្លាស់ប្តូរ និងការចែករំលែកបទពិសោធន៍នីតិបញ្ញត្តិ បទពិសោធន៍អភិបាលកិច្ចជាតិ និងបទពិសោធន៍ក្នុងការកែលម្អស្ថាប័ន; ក៏ដូចជាការចូលរួមក្នុងការអនុវត្តកិច្ចព្រមព្រៀងកម្រិតខ្ពស់រវាងវៀតណាម និងម៉ុងហ្គោលី ដោយធានាថា កិច្ចព្រមព្រៀងកម្រិតខ្ពស់ដែលបានចុះហត្ថលេខារវាងប្រទេសទាំងពីររហូតមកដល់ពេលនេះ នឹងក្លាយទៅជាគម្រោង កម្មវិធី លទ្ធផល និងអត្ថប្រយោជន៍ជាក់ស្តែងសម្រាប់សហគ្រាសនិងប្រជាជននៃប្រទេសទាំងពីរ»៕
