ទ្វីបអាហ្វ្រិកគឺជាទីផ្សារធំនិងពោរពេញទៅដោយសក្តានុពល ដោយរួមមានប្រទេសចំនួន៥៥ ជាមួយនឹងប្រជាជនជិត ១,៣ ពាន់លាននាក់។ បណ្តាប្រទេសអាហ្វ្រិកបានក្លាយជាដៃគូសេដ្ឋកិច្ចកាន់តែសំខាន់របស់វៀតណាម។

ការនាំចេញអង្កររបស់វៀតណាមទៅកាន់ទីផ្សារអាហ្វ្រិកបន្តកើនឡើង។ (រូបថត៖ TTXVN)

ដើម្បីអនុវត្តន៍កម្មវិធីពន្លឿនពាណិជ្ជកម្មជាតិ នាយកដ្ឋានពន្លឿនពាណិជ្ជកម្ម សហការជាមួយនាយកដ្ឋានទីផ្សារអាស៊ី-អាហ្រ្វិក (ក្រសួងឧស្សាហកម្មនិងពាណិជ្ជកម្ម) នឹងរៀបចំព្រឹត្តិការណ៍ “ណែនាំការជ្រៀតចូលទីផ្សារនិងដោះស្រាយការលំបាកសម្រាប់អង្គភាពអាជីវកម្មនាំចេញនាំចូលវៀតណាមទៅកាន់ទីផ្សារអាហ្វ្រិកនិយាយភាសាអង់គ្លេស” នៅថ្ងៃទី ១០ ខែកញ្ញាតាមប្រព័ន្ធវីដេអូ។ ចូលរួមសិក្ខាសាលានេះមានសភាពាណិជ្ជកម្មវៀតណាមប្រចាំទីផ្សារអាហ្វ្រិចនិយាយភាសាអង់គ្លេសដូចជាអាហ្វ្រិកខាងត្បូង អេហ្ស៊ីបនីហ្សេរីយ៉ា ព្រមទាំងអង្គការសេដ្ឋកិច្ច សហគ្រាស និងសមាគមឧស្សាហកម្មនានានៅវៀតណាមផងដែរ។

សកម្មភាពរបស់សិក្ខាសាលានេះរួមមានការបង្ហាញបទអន្តរាគមន៍ស្តីពីការជួយគាំទ្រដល់ការជ្រៀតចូលទីផ្សារសម្រាប់ផលិតផលសក្តានុពលមួយចំនួននៅតាមបណ្តាប្រទេសអាហ្វ្រិកនិងការតំរង់ទិសសម្រាប់អង្គភាពអាជីវកម្មនាំចូល-នាំចេញ ការចែករំលែកបទពិសោធន៍របស់សភាពាណិជ្ជកម្មវៀតណាមនៅអាហ្វ្រិក ការឆ្លើយសំណួររបស់អង្គភាពអាជីវកម្មដែលចង់ស្វែងយល់បន្ថែមអំពីទីផ្សារក៏ដូចជាឱកាសពង្រីកការនាំចេញទៅកាន់តំបន់នេះ។

គួរជម្រាបថា ទ្វីបអាហ្វ្រិកគឺជាទីផ្សារធំនិងពោរពេញទៅដោយសក្តានុពល ដោយរួមមានប្រទេសចំនួន៥៥ ជាមួយនឹងប្រជាជនជិត ១,៣ ពាន់លាននាក់។ បណ្តាប្រទេសអាហ្វ្រិកបានក្លាយជាដៃគូសេដ្ឋកិច្ចកាន់តែសំខាន់របស់វៀតណាម៕

តាម VOV5 - វិទ្យុសម្លេងវៀតណាម