នាថ្ងៃទី ១៩ មិនា គណៈកម្មាធិការរៀបចំការប្រកួតកីឡាអាស៊ីអាគ្នេយ៍លើកទី ៣១ (SEA Games 31) បានបញ្ជូនគណៈប្រតិភូកីឡាក្នុងតំបន់ទៅធ្វើការអង្កេត និងត្រួតពិនិត្យទីកន្លែងនៃការប្រកួតកីឡានៅព្រឹត្តិការណ៍កីឡានៅខេត្ត Quang Ninh។ តាមនោះ ខេត្ត Quang Ninh នឹងរៀបចំការប្រកួតលើវិញ្ញាសាកីឡាចំនួន ៧/៤០ រួមមាន៖ បាល់ទាត់នារី បាល់ទះក្នុងផ្ទះ បាល់ទះ បាល់ទះឆ្នេរសមុទ្រ លេងអុកជាដើម។

បន្ទាប់ពីបានទស្សនាកន្លែងប្រកួត គណៈប្រតិភូកីឡាអាស៊ានបានវាយតម្លៃខ្ពស់ចំពោះការរៀបចំសម្ភារៈបរិក្ខារ និងហេដ្ឋារចនាសម្ព័ន្ធបច្ចេកទេសសម្រាប់ការប្រកួតកីឡា SEA Games 31 នៅខេត្ត Quang Ninh។ លោក SamBrano អគ្គលេខាធិការរងនៃគណៈកម្មាធិការអូឡាំពិកហ្វីលីពីន អនុប្រធានគណៈប្រតិភូកីឡាហ្វីលីពីន នៃ SEA Games 31 បានវាយតម្លៃថា ហេដ្ឋារចនាសម្ព័ន្ធនៅ ពហុកីឡាដ្ឋាន ដែលមានទំហំ ៥ ០០០ កៅអីសម្រាប់កីឡាបាល់ទះក្នុងផ្ទះគឺមានលក្ខណៈលំដាប់ពិភពលោក ហើយឆ្លើយតបតាមស្តង់ដារនៃការប្រកួតកីឡា ។ ទន្ទឹមនឹងនោះ លោក Chong Fui Kim ប្រធានផ្នែកកីឡា និង Marketingនៃគណៈកម្មាធិការអូឡាំពិកសិង្ហបុរីបានវាយតម្លៃថា ទីតាំងស្ទើរតែទាំងអស់បានត្រៀមរួចរាល់សម្រាប់ការប្រកួតកីឡាហើយ៕