ទិដ្ឋភាពនៃកិច្ចប្រជុំ (រូបថត៖ VGP/Nguyễn Hoàng)
 

នារសៀលថ្ងៃទី១២ ខែតុលា ឆ្នាំ២០២០ នៅទីក្រុងហាណូយ គណៈកម្មាធិការអចិន្ត្រៃយ៍រដ្ឋសភាបានបើកសម័យប្រជុំលើកទី ៤៩ ដើម្បីផ្តល់មតិលើខ្លឹមសារមួយចំនួន សម្រាប់ដាក់ជូនរដ្ឋសភានិងត្រៀមរៀបចំកិច្ចប្រជុំលើកទី ១០ ដែលគ្រោងនឹងប្រារព្ធនៅថ្ងៃទី ២០ ខែតុលា។

ថ្លែងមតិបើកកិច្ចប្រជុំ ប្រធានរដ្ឋសភា លោកស្រី Nguyen Thi Kim Ngan បានសង្កត់ធ្ងន់ថា ខ្លឹមសារដែលបានដាក់ជូនរដ្ឋសភាក្នុងកិច្ចប្រជុំលើកនេះ រួមមានបញ្ហានិងមតិដែលនៅមានការខ្វែងគំនិតគ្នានៃសេច ក្តីព្រាងច្បាប់ដូចជា៖ សេចក្តីព្រាងច្បាប់ស្តីពីកិច្ចការពារបរិស្ថាន ធ្វើវិសោធនកម្មលើសេចក្តីព្រាងនៃសេចក្តីសម្រេចចិត្តចំនួនពីររបស់រដ្ឋសភា និងបញ្ហាជាច្រើនទៀតទាក់ទងនឹងការអភិវឌ្ឍសេដ្ឋកិច្ចសង្គម។ ប្រធានរដ្ឋសភាលោកស្រី Nguyen Thi Kim Ngan បានស្នើថា៖ “ខ្ញុំស្នើឲ្យមានការចំណាយពេលវេលា ដើម្បីស្រាវជ្រាវនិងផ្តល់យោបល់លើឯកសារ ដែលបានបង្ហាញនៅក្នុងសម័យប្រជុំអចិន្ត្រៃយ៍នេះ។ ហើយនេះជាសម័យប្រជុំ ដើម្បីត្រៀមសម្រាប់បើកកិច្ចប្រជុំរដ្ឋសភាលើកទី១០ នីតិកាលទី ១៤ នៅខែតុលា។ ដោយសារតែកិច្ចប្រជុំបានបិទកៀកនឹងថ្ងៃបើកសម័យប្រជុំរដ្ឋសភា ហេតុដូច្នេះ បញ្ជប់ខ្លឹមសារនីមួយៗ ខ្ញុំស្នើឲ្យស្ថាប័ននានានៃរដ្ឋសភានិងស្ថាប័ននានានៃដ្ឋាភិបាល ត្រូវសម្របសម្រួលជាបន្ទាន់ក្នុងការសិក្សាស្រាវជ្រាវទទួលយកនិងបំពេញបន្ថែម ក៏ដូចជា កែតម្រូវសំណុំឯកសារនៃរបាយការណ៍ស្តីពីសេចក្តីសម្រេចចិត្តនៃសេចក្តីព្រាងច្បាប់ដើម្បីដាក់ជូនទៅរដ្ឋសភាជាបន្ទាន់”។

បន្ទាប់មកអង្គប្រជុំបានពិភាក្សាលើប្រធានបទ  “ការអនុវត្តរាល់កិច្ចព្រមព្រៀងពាណិជ្ជកម្មសេរី (FTA) ដែលវៀតណាមជាសមាជិក”៕

តាម  VOV5 - វិទ្យុសំឡេងវៀតណាម