ប្រធានរដ្ឋសភា លោក Vuong Dinh Hue អញ្ជើញថ្លែងមតិនៅសម័យប្រជុំ (រូបថត៖ Doan Tan/TTXVN)  

ថ្លែងមតិដឹកនាំសម័យប្រជុំនេះ ប្រធានរដ្ឋសភា លោក Vuong Dinh Hue បានស្នើថា នាពេលខាងមុខ គណៈកម្មាធិការបក្សខេត្ត Phu Tho នឹងបន្តអនុវត្តន៍ប្រកបដោយប្រសិទ្ធភាពនូវសេចក្តីសម្រេចចិត្តនៃមហាសន្និបាតបក្សលើកទី ១៣ របស់បក្ស; បន្តសុក្រិតរបបនយោបាយ ទាក់ទាញការវិនិយោគទាំងក្នុងនិងក្រៅបរទេស និងកែលម្អហេដ្ឋារចនាសម្ព័ន្ធ។ ទន្ទឹមនឹងនោះ យកចិត្តទុកដាក់លើការអភិវឌ្ឍសេដ្ឋកិច្ចប្រកបដោយសមកាលកម្ម អភិវឌ្ឍន៍វប្បធម៌-សង្គម ក្នុងទិសដៅការពារបរិស្ថាន។

ប្រធានរដ្ឋសភា លោក Vuong Dinh Hue បានស្នើថា៖ “គណៈកម្មាធិការបក្ស អាជ្ញាធរគ្រប់ជាន់ថ្នាក់   អ្នកបោះឆ្នោត និងប្រជាពលរដ្ឋក្នុងខេត្ត ត្រូវបន្តស្វែងយល់ឱ្យបានពេញលេញ និងស៊ីជម្រៅអំពីគោលជំហរ តួនាទី មុខងារ ភារកិច្ច និងអំណាចរបស់ក្រុមប្រឹក្សាប្រជាជន។ ក្រុមប្រឹក្សាប្រជាជនគ្រប់ជាន់ថ្នាក់ ក៏ត្រូវផ្លាស់ប្តូរនូវខ្លឹមសារ និងរបៀបប្រតិបត្តិការជាប្រចាំ ក្នុងទិសដៅលើកកម្ពស់ប្រជាធិបតេយ្យ កាន់តែបើកចំហ និងតម្លាភាពជាង ខិតទៅជិតប្រជាពលរដ្ឋ ពង្រឹងនីតិរដ្ឋ ប្រកប ដោយប្រសិទ្ធភាព។  ផ្លាស់ប្តូរជាប្រចាំរបៀបរបបប្រតិបត្តិការ  បន្តពិនិត្យនិងណែនាំដល់អាជ្ញាធរមានសមត្ថកិច្ច ដើម្បីកែលម្អប្រព័ន្ធច្បាប់ស្តីពីការរៀបចំ និងប្រតិបត្តិការរបស់ក្រុមប្រឹក្សាប្រជាជន ធ្វើយ៉ាងម៉េចដើម្បីបង្ហាញច្បាស់នូវបាវចនាថា “ឆន្ទៈរបស់បក្ស ស្របតាមចិត្តគំនិតរបស់ប្រជាជន” និងជាកន្លែងផ្ទៀងផ្ទាត់ការអនុវត្តច្បាប់របស់ភ្នាក់ងាររដ្ឋ អង្គការសេដ្ឋកិច្ច អង្គការនយោបាយសង្គម កងកម្លាំងប្រដាប់អាវុធ និងរបស់ប្រជាពលរដ្ឋមូលដ្ឋាន”៕