ព័ត៌មាន
កិច្ចសហប្រតិបត្តិការសេដ្ឋកិច្ចរវាងវៀតណាមនិងអាមេរិករីកចម្រើនយ៉ាងខ្លាំង ក្រោយដំឡើងទំនាក់ទំនងដល់កម្រិតខ្ពស់បំផុត
ប្រធានក្រុមប្រឹក្សាធុរកិច្ចសហរដ្ឋអាមេរិក - អាស៊ាន(USABC) អតីតឯកអគ្គរដ្ឋទូតសហរដ្ឋអាមេរិកប្រចាំនៅវៀតណាម លោក Ted Osius បានឲ្យដឹងថា ប្រទេសទាំងពីរកំពុងមើលឃើញវឌ្ឍនភាពដ៏ល្អប្រសើរក្នុងវិស័យសហប្រតិបត្តិការសេដ្ឋកិច្ច និងពាណិជ្ជកម្ម។
វៀតណាមជាដៃគូពាណិជ្ជកម្មដ៏ធំបំផុតមួយរបស់អាមេរិក ជាមួយនឹងទំហំពាណិជ្ជកម្មទ្វេភាគីសម្រេចបានជាង ១០០ ពាន់លានដុល្លារអាមេរិក។ អតីតឯកអគ្គរដ្ឋទូត Ted Osius បានចាត់ទុកថា “នៅឆ្នាំខាងមុខនឹងសម្រេចបានសមត្ថផលកាន់តែល្អប្រសើរ”។ វៀតណាមកំពុងអភិវឌ្ឍជាមួយនឹងចំនួនប្រជាជនវ័យក្មេង និងឧស្សាហ៍ព្យាយាម ក៏ដូចជាកំណើនសេដ្ឋកិច្ចគួរឱ្យកត់សម្គាល់។ តាមការស្រាវជ្រាវនានាបានបង្ហាញថា កំណើនសេដ្ឋកិច្ចរបស់វៀតណាមនឹងឈានដល់ជាង ៦,៦% ក្នុងរយៈពេល ១០ ឆ្នាំខាងមុខ។ ដូច្នេះ សហគ្រាសអាមេរិកយកចិត្តទុកដាក់យ៉ាងខ្លាំងលើទីផ្សារវៀតណាម។ ការដំឡើងទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយបានបង្កើនទំនុកចិត្ត ធ្វើឲ្យទំនាក់ទំនងកាន់តែស៊ីជម្រៅ ហើយប្រទេសទាំងពីរបន្តទទួលបានអត្ថប្រយោជន៍ពីសេចក្តីសម្រេចនេះ៕
