នាថ្ងៃទី ៧ ខែកញ្ញា អញ្ជើញថ្លែងនៅក្នុងសន្និសីទសារព័ត៌មានក្រោយពេលកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធបានបញ្ចប់នៅទីក្រុងហ្សាកាតា ប្រទេសឥណ្ឌូនេស៊ី បន្ទាប់ពីរយៈពេល ៣ ថ្ងៃប្រព្រឹត្តិទៅនោះ ប្រធានាធិបតីឥណ្ឌូនេស៊ីលោក Joko Widodo បានបញ្ជាក់ថា ឯកសារជាង ៩០ ត្រូវបានអនុម័តនៅក្នុងកិច្ចប្រជុំ ហើយអាស៊ានកំពុងដើរតាមផ្លូវដ៏ត្រឹមត្រូវ ដើម្បីអនុវត្តន៍គោលដៅក្លាយទៅជាស្នូលនៃកំណើន។
លោកប្រធានាធិបតី Joko Widodo បានសង្កត់ធ្ងន់ថា៖ ទំនួលខុសត្រូវរួមរបស់បណ្ដាប្រទេសគឺទប់ស្កាត់ជម្លោះថ្មី មិនបង្កើតភាពតានតឹងថ្មី បន្ធូរស្រាលភាពតានតឹង និងបើកឱកាសសម្រាប់កិច្ចសន្ទនាសំដៅបង្រួញគម្លាតចំពោះការខ្វែងគំនិតគ្នា។ ពិភពលោកចាំបាច់ត្រូវតែជាដំបូលផ្ទះដែលមានសុវត្ថិភាព។ រហូតមកដល់បច្ចុប្បន្ននេះ អាស៊ានកំពុងដើរតាមផ្លូវដ៏ត្រឹមត្រូវ ដើម្បីអាចអនុវត្តន៍តួនាទីរួមចំណែកដល់ស្ថិរភាព និងសន្តិភាព ក៏ដូចជាក្លាយទៅជាចំណុចស្នូលនៃការអភិវឌ្ឍផងដែរ។
