យោងតាមសេចក្តីថ្លែងការណ៍រួម មេដឹកនាំ G20 បានបញ្ជាក់ពីការប្តេជ្ញាចិត្តធ្វើ សកម្មភាពរួមគ្នាដើម្បីជំរុញរបៀបវារៈឆ្ពោះទៅរកការងើបឡើងវិញសកលដ៏រឹងមាំ បរិយាប័ន្ន ប្រកបដោយភាពធន់ និងចីរភាព។ G20 នឹងបង្កើនការវិនិយោគសាធារណៈ អនុវត្តន៍កំណែទម្រង់រចនាសម្ព័ន្ធ ជំរុញការវិនិយោគឯកជន ពាណិជ្ជកម្មពហុភាគី ហើយពង្រឹងសមត្ថភាពស្ដារឡើងវិញខ្សែសង្វាក់ផ្គត់ផ្គង់សកល។ ទន្ទឹមនឹងនោះ រក្សា ស្ថិរភាពហិរញ្ញវត្ថុនិងម៉ាក្រូ; ជំរុញសន្តិសុខស្បៀងអាហារ និងថាមពល; ជួយទ្រទ្រង់ ទីផ្សារឲ្យមានស្ថេរភាព; បង្កើនពាណិជ្ជកម្ម និងការវិនិយោគ ដើម្បីធានាសន្តិសុខ ស្បៀងអាហារ និងថាមពលក្នុងរយៈពេលវែង។ G20 ក៏នឹងពង្រីកការវិនិយោគបន្ថែម ទៀតសម្រាប់ប្រទេសដែលមានចំណូលទាប និងមធ្យម ក៏ដូចជាប្រទេសកំពុង អភិវឌ្ឍន៍ផ្សេងទៀត តាមរយៈប្រភព និងឧបករណ៍ហិរញ្ញវត្ថុច្នៃប្រឌិត ដើម្បីជួយ ឧបត្ថម្ភដល់ការសម្រេចបាននូវគោលដៅអភិវឌ្ឍន៍ប្រកបដោយចីរភាព (SDG)។