នៅក្នុងសារលិខិតទៅកាន់ VESAK ២០២៥ អគ្គលេខាធិការអង្គការសហប្រជាជាតិ លោក Antonio Guterres បានបញ្ជាក់ថា៖ “ក្នុងយុគ្គសម័យដែលពិភពលោកកំពុងប្រឈមមុខនឹងបញ្ហាប្រឈមដ៏ធ្ងន់ធ្ងរជាច្រើន ខណៈដែលយើងលើកតំកើងមហាពិធីបុណ្យដ៏ពិសិដ្ឋនេះ សូមឲ្យយើងទាំងអស់គ្នាត្រូវបានបំផុសគំនិតឱ្យធ្វើការរួមគ្នា ដើម្បីផ្សះផ្សារការបែកបាក់ ពង្រឹងសាមគ្គីភាព និងរួមគ្នាកសាងពិភពលោកកាន់តែមានសន្តិភាព និរន្តរភាព និងសុខដុមរមនា”។
ប្រធានាធិបតីស្រីលង្កា Anura Kumara Dissanayaka បានកោតសរសើរចំពោះប្រទេសវៀតណាម ដែលជាប្រទេសមានកេរ្តិ៍ដំណែលព្រះពុទ្ធសាសនាដ៏រឹងមាំ ដែលបានធ្វើជាម្ចាស់ផ្ទះព្រឹត្តិការណ៍នេះ។ ជាមួយគ្នានេះ លោកស្រី Armida Salsiah Alisjahbana អគ្គលេខាធិការរងអង្គការសហប្រជាជាតិ និងជាលេខាធិការប្រតិបត្តិនៃគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់អាស៊ី និងប៉ាស៊ីហ្វិក (ESCAP) បាននិយាយថា៖ “ការគាំទ្ររបស់រដ្ឋាភិបាលវៀតណាមក្នុងការរៀបចំ VESAK ២០២៥ នៅទីក្រុងហូជីមិញ គឺជាសក្ខីភាពមួយចំពោះតួនាទីសំខាន់របស់វៀតណាមក្នុងការលើកកម្ពស់តម្លៃជាសកលនៃសន្តិភាពអះអាងពីតម្លៃទូទៅអំពីសន្តិ ភាព និងកិច្ចសហប្រតិបត្តិការ។ ទន្ទឹមនឹងនោះ គូសបញ្ជាក់ពីសារៈសំខាន់នៃការរួមចំណែកព្រះធម៌ ពុទ្ធសាសនិកក្នុងវេទិកាអភិវឌ្ឍន៍ពិភពលោក ជំរុញការយោគយល់គ្នា និងការយល់ដឹង ដើម្បីលើកកម្ពស់សន្តិភាព និងវឌ្ឍនភាពសង្គម”។
គណៈប្រតិភូអន្តរជាតិដែលចូលរួមក្នុង VESAK ២០២៥ បានវាយតម្លៃខ្ពស់ចំពោះវៀតណាម ដែលជាប្រទេសស្រឡាញ់សន្តិភាព ទាំងអស់គ្នាសម្រាប់គោលដៅអភិវឌ្ឍន៍មនុស្ស ដែលសម្រេចបានសមិទ្ធិផលលេចធ្លោក្នុងការអភិវឌ្ឍន៍សេដ្ឋកិច្ចសង្គម រួមទាំងវឌ្ឍនភាពនៃសមភាពយេនឌ័រ និងសមភាពរវាងតំបន់៕
