ថ្លែងមតិក្នុងឱកាសរំលឹកខួបលើកទី ៤០ នៃអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) (១០ ធ្នូ ១៩៨២-១០ ធ្នូ ២០២២) លោកឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិបានសង្កត់ធ្ងន់ថា វៀតណាមជាប្រទេសឆ្នេរសមុទ្រ និងមានសកម្មភាពជាច្រើននៅសមុទ្រ ដូច្នេះ UNCLOS មានសារសំខាន់ចំពោះបរិយាកាសសន្តិភាព ស្ថិរភាព ក៏ដូចជាការអភិវឌ្ឍន៍យូរអង្វែងរបស់វៀតណាម។
ដោយសាររាល់បទប្បញ្ញត្តិរបស់ UNCLOS វៀតណាមបានបង្កើត ប្រតិបត្តិ និងគ្រប់គ្រងសមុទ្រ រាល់សិទ្ធិ និងផលប្រយោជន៍ដែនសមុទ្រ ស្របតាមច្បាប់អន្តរជាតិ និងទទួលបានការទទួលស្គាល់របស់ប្រទេសមួយភាគធំ។ នេះជាមូលដ្ឋានសំខាន់សម្រាប់កំណត់អធិបតេយ្យភាព សិទ្ធិអធិបតេយ្យភាព សិទ្ធិយុត្តាធិការ និងផលប្រយោជន៍ស្របច្បាប់របស់វៀតណាមនៅសមុទ្រ។ ទន្ទឹមនឹងនោះ វៀតណាមបានអនុវត្តសកម្មភាពសេដ្ឋកិច្ចសមុទ្រសំខាន់ៗជាច្រើន ហើយ UNCLOS គឺជាមូលដ្ឋានសម្រាប់វៀតណាមសហការជាមួយបណ្តាប្រទេសពាក់ព័ន្ធ ដោះស្រាយបញ្ហាប្រឈមជាច្រើនពីការរិចរិលបរិស្ថាន និងប្រព័ន្ធអេកូឡូស៊ីសមុទ្រ ព្រមទាំងផលប៉ះពាល់អវិជ្ជមានដោយសារការប្រែប្រួលអាកាសធាតុ; ដូចជាការកើនឡើងនីវ៉ូទឹកសមុទ្រ ការឡើងអាស៊ីតនៃមហាសមុទ្រ ឬគ្រោះមហន្តរាយធម្មជាតិ។
យោងតាមឯកអគ្គរដ្ឋទូតលោក Dang Hoang Giang វៀតណាមតែងតែព្យាយាមរួមចំណែកជាវិជ្ជមានដល់ UNCLOS។ វៀតណាមគឺជាប្រទេសមួយក្នុងចំណោមប្រទេសដំបូងគេដែលបានចុះហត្ថលេខាលើឯកសារនេះក្នុងឆ្នាំ ១៩៨២ ក៏ដូចជាផ្តល់សច្ចាប័នដើម្បី UNCLOS ចូលជាធរមាននៅខែវិច្ឆិកា ឆ្នាំ ១៩៩៤។ វៀតណាមនិងប្រទេសផ្សេងទៀត អះអាងពីតួនាទីរបស់ UNCLOS ក្នុងឋានៈជា “រដ្ឋធម្មនុញ្ញនៃមហាសមុទ្រ” នៅតាមបណ្តាវេទិកាអន្តរជាតិពាក់ព័ន្ធ៕
