លោកនាយករដ្ឋមន្ត្រីបាននិយាយថា ឆ្នាំនេះគឺជាឆ្នាំដែលវៀតណាមកំណត់គោលដៅកំណើន GDP យ៉ាងហោចណាស់ ៨% ហើយខិតខំឆ្ពោះទៅរកកំណើនពីរខ្ទង់នៅឆ្នាំបន្តបន្ទាប់។ ដើម្បីសម្រេចបាននូវគោលដៅនេះ រួមជាមួយនឹងភារកិច្ច និងដំណោះស្រាយជាច្រើនទៀត វៀតណាមកំណត់ការអភិវឌ្ឍមជ្ឈមណ្ឌលហិរញ្ញវត្ថុអន្តរជាតិនៅវៀតណាម និងការឆ្លើយតបទៅនឹងការប្រែប្រួលអាកាសធាតុ ការអភិវឌ្ឍប្រកបដោយចីរភាពជាអាទិភាពមួយក្នុងចំណោមអាទិភាពកំពូល។ លោកនាយករដ្ឋមន្ត្រីបានស្នើឱ្យ Standard Chartered Group បន្តចែករំលែកបទពិសោធន៍យ៉ាងសកម្ម ផ្ដល់ការពិគ្រោះយោបល់លើការជ្រើសរើសគំរូ និងដំណោះស្រាយសមស្រប ដើម្បីអភិវឌ្ឍន៍មជ្ឈមណ្ឌលហិរញ្ញវត្ថុអន្តរជាតិនៅវៀតណាម ជាពិសេសលើស្ថាប័ន គោលនយោបាយ ការបណ្តុះបណ្តាលធនធានមនុស្ស វិទ្យាសាស្ត្រគ្រប់គ្រង និងដំណោះស្រាយដើម្បីអភិវឌ្ឍន៍ប្រព័ន្ធអេកូហិរញ្ញវត្ថុគ្រប់ជ្រុងជ្រោយផងដែរ។
រីឯខ្លួនវិញ អគ្គនាយកក្រុមហ៊ុន Standard Chartered Group បានសម្តែងការចាប់អារម្មណ៍ចំពោះការអភិវឌ្ឍគួរឱ្យកត់សម្គាល់របស់វៀតណាម ដែលជាចំណុចភ្លឺស្វាងមួយក្នុងបរិបទនៃការលំបាក និងបញ្ហាប្រឈមជាច្រើននៅលើពិភពលោក។ ដោយវាយតម្លៃពីការប្តេជ្ញាចិត្តរបស់វៀតណាមក្នុងការឆ្លើយតបនឹងការប្រែប្រួលអាកាសធាតុ អគ្គនាយកប្រតិបត្តិរបស់ Standard Chartered បាននិយាយថា ក្រុមហ៊ុននឹងរួមដំណើរជាមួយវៀតណាមក្នុងការអភិវឌ្ឍបៃតង ជាពិសេសជួយឧបត្ថម្ភដល់ការសាងសង់មជ្ឈមណ្ឌលហិរញ្ញវត្ថុអន្តរជាតិនៅវៀតណាម៕
