• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

EU ព្រួយបារម្ភចំពោះសកម្មភាពដោយឯកតោភាគីនៅសមុទ្រខាងកើត

ឯកអគ្គរដ្ឋទូតសហភាពអឺរ៉ុប (EU) ប្រចាំសមាគមន៍បណ្ដាប្រជាជាតិ អាស៊ីអាគ្នេយ៍ (អាស៊ាន) លោក Igor Driesmans (រូបថត៖  jakartaglobe.id)

ឯកអគ្គរដ្ឋទូតសហភាពអឺរ៉ុប (EU) ប្រចាំសមាគមន៍បណ្ដាប្រជាជាតិ អាស៊ីអាគ្នេយ៍ (អាស៊ាន) លោក Igor Driesmans បានអះអាងនូវការសន្យារបស់ EU ក្នុងការរក្សាសណ្ដាប់ធ្នាប់នៅបណ្ដាតំបន់សមុទ្រនិងមហាសាគរ ដោយឈរលើច្បាប់អន្តរជាតិ សន្តិសុខនិងកិច្ចសហប្រតិបតិ្តការនាវាចរណ៍ ក៏ដូចជាសេរីភាពនាវាចរណ៍និងអាកាសចរណ៍ ដើម្បីផលប្រយោជន៍របស់ ប្រទេសទាំងអស់។

លោកឯកអគ្គរដ្ឋទូត Igor Driesmans បានឲ្យដឹងថា EU ព្រួយបារម្ភ ចំពោះសកម្មភាពដោយឯកតោភាគីនាពេលថ្មីៗនេះនៅសមុទ្រខាងកើត ក្នុងនោះមានអំពើដាក់ពង្រាយជាបណ្ដោះអាសន្នឬអចិន្រ្តៃយ៍បណ្ដាកងកម្លាំងឬឧបករណ៍យោធា នៅលើកោះនានាដែលកំពុងមានជម្លោះ អំពើយាយីឬគំរាមកំហែងនាវានេសាទនិងនាវាផ្សេងៗទៀត ក៏ដូចជាអំពើកំណត់ព្រំដែនរដ្ឋបាលថ្មីដោយឯកតោភាគីផងដែរ។ លោកឯកអគ្គរដ្ឋទូត Igor Driesmans បានលើកច្បាស់ថា EU មានគោលបំណងចង់ឲ្យអាស៊ានិងចិន សម្រេចប្រកបដោយតម្លាភាពនូវកិច្ចចរចាអំពីក្រមប្រតិបត្តិរបស់ភាគីនានានៅសមុទ្រខាងកើត (COC) ឲ្យមានប្រសិទ្ធភាពជាក់ស្ដែងនិងលក្ខណៈ ចាប់បង្ខំខាងគតិយុត្ត។ លោកបានសង្កត់ធ្ងន់ថា ប្រការសំខាន់ចំពោះភាគី ទាំងអស់ក្នុងតំបន់នោះគឺ ត្រូវអត់ធ្មត់ ជៀសវាងសកម្មភាពដោយឯកតោ ភាគីបញ្ឈប់ការធ្វើយោធូបនីយកម្មនិងដោះស្រាយជម្លោះដោយសន្តិវិធី ច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិស្ដីពីច្បាប់សមុទ្រ៕
  តាម VOV5 - វិទ្យុសម្លេងវៀតណាម 

និស្សិតឡាវ និងកម្ពុជាស្វែងយល់ពីប្រវត្តិសាស្ត្រវៀតណាមតាមរយៈខ្សែភាពយន្ត ផ្កា​ម៉ាក់ខៃ ហ្វើ និង Piano

និស្សិតឡាវ និងកម្ពុជាស្វែងយល់ពីប្រវត្តិសាស្ត្រវៀតណាមតាមរយៈខ្សែភាពយន្ត "ផ្កា​ម៉ាក់ខៃ ហ្វើ និង Piano"

នាយប់ថ្ងៃទី ១ ខែមីនា នៅទីក្រុងហូជីមិញ សម្ព័ន្ធបណ្ដាអង្គការមិត្តភាពទីក្រុងហូជីមិញបានរៀបចំការបញ្ចាំងខ្សែភាពយន្ត "ផ្កាម៉ាក់ខៃ ហ្វើ និង Piano" (Dao, Pho va Piano) ដោយឥតគិតថ្លៃសម្រាប់និស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ ជួយឲ្យនិស្សិតយល់ដឹងបន្ថែមទៀតអំពីដំណាក់កាលដ៏អង់អាចក្លាហាននៃប្រវត្តិសាស្ត្រវៀតណាមក្នុងប៉ុន្មានឆ្នាំតស៊ូដណ្តើមឯករាជ្យជាតិ។

Top