• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ADB ព្យាករណ៍៖ វៀតណាមនឹងក្លាយជាសេដ្ឋកិច្ចដែលមានកំណើនខ្លាំងបំផុតនៅក្នុងតំបន់អាស៊ីអាគ្នេយ៍ក្នុងឆ្នាំ ២០២២ និងឆ្នាំ ២០២៣

របាយការណ៍របស់ ADB បញ្ជាក់ថា ខ្សែសង្វាក់ផ្គត់ផ្គង់ស្បៀង និងអាហារសកលដែលបានស្តារឡើងវិញ នឹងរួមចំណែកក្នុងការជំរុញផលិតកម្មកសិកម្មរបស់ វៀតណាម។
  លោក Andrew Jeffries នាយក ADB ប្រចាំប្រទេសវៀតណាមបានវាយតម្លៃថា៖ សេដ្ឋកិច្ចវៀតណាមបានងើបឡើងវិញលឿនជាងការរំពឹងទុកនៅក្នុងឆមាសទីមួយនៃឆ្នាំ ២០២២ ហើយបន្តកើនឡើងក្នុងបរិបទនៃបញ្ហាប្រឈមសកល (រូបថត៖ VGP/Huy Thang) 

នាថ្ងៃទី ២១ ខែកញ្ញា ធនាគារអភិវឌ្ឍន៍អាស៊ី (ADB) បានចេញផ្សាយបច្ចុប្បន្នភាពរបស់ខ្លួនអំពីការអភិវឌ្ឍសេដ្ឋកិច្ចរបស់វៀតណាម ក្នុងនោះ ADB បានរក្សាការវាយតម្លៃរបស់ខ្លួនអំពីទស្សនវិស័យសេដ្ឋកិច្ចរបស់វៀតណាម ជាមួយនឹងកំណើនផលិត ផលក្នុងស្រុកសរុបក្នុង GDP កើនឡើង ៦,៥% ក្នុងឆ្នាំ ២០២២ និង ៦,៧% ក្នុងឆ្នាំ ២០២៣។ អតិផរណាគឺ ៣,៨% និង ៤% រៀងៗគ្នា។ លោក Andrew Jeffries នាយក ADB ប្រចាំប្រទេសវៀតណាម បានវាយតម្លៃថា៖ “សេដ្ឋកិច្ចរបស់វៀតណាមបានងើបឡើងវិញលឿនជាងការរំពឹងទុកសម្រាប់ឆមាសទីមួយនៃឆ្នាំ ២០២២ ហើយបានបន្តកើនឡើងក្នុងបរិបទដែលបរិយាកាសពិភពលោកពោរពេញទៅដោយបញ្ហាប្រឈម។ សេដ្ឋកិច្ចបានស្ទុះងើបឡើងវិញជាលំដាប់ ដោយផ្អែកលើសមតុល្យសេដ្ឋកិច្ចដ៏រឹងមាំ ដែលឧបត្ថម្ភដល់ការស្តារឡើងវិញយ៉ាងលឿនជាងការរំពឹងទុក ក្នុងវិស័យផលិតកម្ម និងសេវាកម្ម”។

កត្តាច្បាស់លាស់ដែលនឹងជួយឱ្យសេដ្ឋកិច្ចវៀតណាមស្តារឡើងវិញយ៉ាងឆាប់រហ័សពេញមួយឆ្នាំ ២០២២ យោងតាមលោក Andrew Jeffries ការវិនិយោគកំពុងកើនឡើង អតិផរណាស្ថិតនៅក្រោមការគ្រប់គ្រង និងលក្ខខណ្ឌហិរញ្ញវត្ថុ និងរូបិយវត្ថុសមស្របត្រូវបានព្យាករណ៍ថា ជំរុញការប្រើប្រាស់ក្នុងប្រទេស និងជំរុញការស្តាសេដ្ឋកិច្ចសម្រាប់ឆ្នាំ ២០២២។ របាយការណ៍របស់ ADB បញ្ជាក់ថា ខ្សែសង្វាក់ផ្គត់ផ្គង់ស្បៀង និងអាហារសកលដែលបានស្តារឡើងវិញ នឹងរួមចំណែកក្នុងការជំរុញផលិតកម្មកសិកម្មរបស់វៀតណាម។

ADB ព្យាករណ៍ថា GDP របស់វៀតណាមនឹងកើនឡើង ៦,៥% នៅឆ្នាំនេះ និង កើនឡើង ៦,៧% សម្រាប់ឆ្នាំក្រោយ។  ជាមួយនឹងការព្យាករណ៍កំណើនបែបនេះ វៀត ណាមនឹងក្លាយជាខឿនសេដ្ឋកិច្ច ដែលមានកំណើនខ្លាំងបំផុតនៅក្នុងតំបន់អាស៊ីអាគ្នេយ៍ ក្នុងឆ្នាំ ២០២២ និងឆ្នាំ ២០២៣៕

តាម​ VOV5 - វិទ្យុសម្លេងវៀតណាម

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu ទីភ្នាក់ងារសារព័ត៌មានវៀតណាម(VNA) បានរៀបចំការតាំងពិព័រណ៍រូបថតអនឡាញជាបីភាសា គឺវៀតណាម អង់គ្លេស និងបារាំង ដើម្បីណែនាំអំពីរយៈពេល ៥៦ ទាំងថ្ងៃទាំងយប់តស៊ូរបស់កងទ័ព និងប្រជាជន ដើម្បីបង្កើតជ័យជំនះDien Bien Phu។

Top