ភាគីទាំងពីរមានគោលបំណង​អនុវត្តន៍ការហៅទូរស័ព្ទ 6G មុនពាណិជ្ជកម្មលើកដំបូងនៅដើមឆ្នាំ ២០២៩ ដោយប្រើប្រាស់ប្រព័ន្ធនិងឧបករណ៍ដែលបានស្រាវជ្រាវ អភិវឌ្ឍ និងផលិតដោយViettel ផ្ទាល់។

យោងតាមកិច្ចព្រមព្រៀងសហប្រតិបត្តិការ Viettel នឹងសហការជាមួយ Qualcomm ក្នុងការស្រាវជ្រាវ រចនា អភិវឌ្ឍ និងផលិត​ស្ថានីយ៍​ផ្សាយ​រលក​ 6G។ Viettel នឹង​ទទួលបន្ទុកការស្រាវជ្រាវ រចនា ផលិត សាកល្បង និងវាយតម្លៃគុណភាព​ផលិតផល ខណៈដែលក្រុមហ៊ុន Qualcomm នឹងផ្តល់វេទិកាបច្ចេកវិទ្យា បន្ទះឈីប​​​។ ភាគីទាំងពីរក៏នឹងរួមគ្នា​វាយតម្លៃលើភាពធន់វាងវេទិកា 6G របស់ Qualcomm និងឧបករណ៍ដែល Viettel បានអភិវឌ្ឍ និងបង្កើនប្រសិទ្ធភាពប្រតិបត្តិការក្រោមលក្ខខណ្ឌប្រ​តិបត្តិការជាក់ស្តែង។

ការចូលរួមក្នុងការស្រាវជ្រាវ 6G តាំងពី​ដំណាក់​កាល​ដំបូង ត្រូវបានរំពឹងថានឹងជួយ Viettel ឱ្យធ្វើជាម្ចាស់លើបច្ចេកវិទ្យានេះ រួម​ដំណើរជាមួយនឹងការអភិវឌ្ឍបច្ចេកវិទ្យាសកល និងរួមចំណែកដល់ការលើកកម្ពស់​តួនាទីរបស់វៀតណាមនៅក្នុងខ្សែសង្វាក់ត​ម្លៃ​បច្ចេកវិទ្យាជំនាន់​ថ្មី៕​