ឧបនាយករដ្ឋមន្ត្រី រដ្ឋមន្ត្រីការបទេស លោក Pham Binh Minh ជួបចរចារជាមួយ សមភាគីព័រទុយហ្គាល់លោក
Augusto Santos Silva (រូបថតៈ TTXVN)
បន្តដំណើរទស្សនកិច្ចជាផ្លូវការនៅ ព័រទុយហ្គាល់ តាមសេចក្តីអញ្ជើញរបស់ រដ្ឋមន្ត្រីការបរទេសព័រទុយហ្គាល់ នារសៀលថ្ងៃទី២៦ឧសភា ឧបនាយករដ្ឋមន្ត្រី និងជារដ្ឋមន្ត្រីការបទេសវៀតណាម លោក Pham Binh Minh បានអញ្ជើញជួប ចរចារជាមួយសមភាគី ព័រទុយហ្គាល់ លោក Augusto Santos Silva ។
នៅទីនេះ ភាគីទាំងពីរបានផ្លាស់ប្តូរ លើវិធានការជាក់ស្តែងមួយចំនួន សំដៅជម្រុញទំនាក់ទំនង ទ្វេភាគីព្រមទាំងអះអាងថា គប្បីបង្កើនការពិគ្រោះយោបល់នយោបាយនិងរឹត បន្តឹងទំនាក់ទំនងរវាងក្រសួងការបរទេសទាំងពីរ។ ភាគីទាំងពីរបានឯកភាពបង្កើត យន្តការសហប្រតិបត្តិការ និងដាក់ចេញវិធានការជាក់ស្តែងសំដៅខំប្រឹងប្រែងនាំ តម្លៃប្រាក់ពាណិជ្ជកម្មទ្វេភាគីពី៣៥០លានដុល្លារ នាបច្ចុប្បន្នឡើងដល់១ពាន់ដុល្លារ នាឆ្នាំ២០២០ ជាពិសេស ពង្រឹងកិច្ចសហការគ្នានៅបណ្តាវេទិកាអន្តរជាតិនិងតំបន់ ដូចជាអង្គការសហប្រជាជាតិ ASEM, EU និងអាស៊ាន។ ឈរលើស្មារតីនៃការជឿ ទុកចិត្តនិងយល់ដឹងពីគ្នាទៅវិញទៅមកនោះ ភាគីទាំងពីរក៏បានពិភាក្សាលើបណ្តាបញ្ហាអន្តរជាតិនិងតំបន់ដែលមានការយកចិត្តទុកដាក់ដូចគ្នា រួមទាំងចែករំលែក នូវការព្រួយបារម្ភអំពីបម្រែបម្រួលនាពេលថ្មីៗនេះនៅសមុទ្រខាងកើត។
ក្នុងថ្ងៃដដែល លោក Pham Binh Minh បានអញ្ជើញជួបធ្វើការជាមួយរដ្ឋមន្ត្រី សេដ្ឋកិច្ច ព័រទុយហ្គាល់ លោក Manuel Caldeira Cabral ផងដែរ៕
តាម VOV5 - វិទ្យុសំឡេងវៀតណាម
