នាយប់ថ្ងៃទី៨ ខែតុលា ឆ្នាំ២០១៧ លេខាគណៈកម្មាធិការបក្សទីក្រុងហូជីមិញ លោក Nguyen Thien Nhan បានអញ្ជើញទទួលជួបជាមួយគណៈប្រតិភូកម្ពុជាកំពុងចូលរួមការជួបប្រាស្រ័យមិត្តភាពនិងសហប្រតិបត្តិការប្រជាជនវៀតណាម-កម្ពុជាដឹកនាំដោយឧបនាយករដ្ឋមន្ត្រីកម្ពុជានិងជាប្រធានមជ្ឈឹមសមាគមមិត្តភាពកម្ពុជា-វៀតណាម លោកជំទាវ ម៉ែន សំអន។
លេខាគណៈកម្មាធិការបក្សទីក្រុងហូជីមិញ លោក Nguyen Thien Nhan ថ្លែងមតិក្នុងពិធី
នៅទីនេះ លេខាគណៈកម្មាធិការបក្សទីក្រុងហូជីមិញ លោក Nguyen Thien Nhan បានអះអាងថា បក្ស រដ្ឋនិងប្រជាជនវៀតណាមនិយាយរួម ក្នុងនោះមានទាំងរដ្ឋអំណាចនិងប្រជាជនទីក្រុងហូជីមិញជានិច្ចកាល ខិតខំប្រឹងប្រែងដើម្បីពូនជ្រំនិងអភិវឌ្ឍន៍ទំនាក់ទំនងជាមួយកម្ពុជា ដោយពាក្យស្លោក សាមគ្គីភាព មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ ចីរភាព យូរអង្វែង នាំមកផលប្រយោជន៍ជាក់ស្តែងសម្រាប់ប្រជាជននៃប្រទេសទាំងពីរ រួមចំណែកទៅក្នុងសន្តិភាព ការអភិវឌ្ឍន៍ក្នុងតំបន់និងលើពិភពលោក។
អញ្ជើញឆ្លើយតបវិញ លោកជំទាវម៉ែន សំអន បានសន្យា រួមជាមួយសមាគមមិត្តភាពកម្ពុជា - វៀតណាមបន្តជម្រុញរាល់សកម្មភាពការទូតប្រជាជនរវាងប្រទេសទាំងពីរ បង្កើនការផ្សព្វផ្សាយនិងអប់រំយុវជនជំនាន់ក្រោយនៃប្រទេសទាំងពីរនូវចំណងសាមគ្គីភាព មិត្តភាពជាប្រពៃណី ដើម្បីសន្តិភាពនិងវឌ្ឍន៍ភាពរបស់ប្រទេសនីមួយៗ។
កម្មវិធី “ជួបប្រាស្រ័យមិត្តភាពនិងសហប្រតិបត្តិការប្រជាជនវៀតណាម-កម្ពុជា ” លើកទី៤ ដោយមជ្ឈឹមសមាគមមិត្តភាពវៀតណាម - កម្ពុជានិងសម្ព័ន្ធសមាគមអង្គការមិត្តភាពវៀតណាមរៀបចំឡើងនាថ្ងៃទី៧ដល់ថ្ងៃទី១២ ខែតុលា ឆ្នាំ២០១៧ នៅទីក្រុងហូជីមិញ ខេត្ត Binh Duong និង ខេត្ត Ba Ria-Vung Tau (ភាគខាងត្បូងវៀតណាម) ផងដែរ៕
តាម VOV5 - វិទ្យុសម្លេងវៀតណាម
