ការសម្រេចចិត្តនេះចូលជាធរមានចាប់ពីថ្ងៃទី ១ ខែកញ្ញាឆ្នាំ ២០២១។

ប្រធានរដ្ឋលោក Nguyen Xuan Phuc ពិនិត្យផ្ទះបាយសម្រាប់អ្នកទោស អំឡុងពេលលោកអញ្ជើញចុះពិនិត្យការអនុវត្តសេចក្តីសម្រេចស្តីពីការលើកលែងទោសឆ្នាំ ២០២១ នៅពន្ធនាគារ Ngoc Ly (ខេត្ត Bac Giang) នៅថ្ងៃទី ១៨ ខែសីហាឆ្នាំ ២០២១ (រូបថត៖ ក្រសួងនគរបាល)

ក្នុងឱកាសទិវាបុណ្យជាតិទី ២ កញ្ញា លោកប្រធានរដ្ឋ Nguyen Xuan Phuc នៅថ្ងៃទី ៣០ ខែសីហាបានចុះហត្ថលេខាលើសេចក្តីសម្រេចស្តីពីការលើកលែងទោសឆ្នាំ ២០២១ ដោយលើកលែងទោសសម្រាប់អ្នកទោស ៣.០២៦ នាក់ ដែលកំពុងជាប់ពន្ធនាគារ; អ្នកទោស ៣ នាក់ត្រូវបានព្យួរជាបណ្តោះអាសន្នការអនុវត្តទោសដាក់ពន្ធនាគារ និងអ្នកទោស ៦ នាក់ ត្រូវបានពន្យារពេលអនុវត្តន៍ទោសជាប់ពន្ធនាគារ ដែលអ្នកទាំងនេះមានលក្ខណៈគ្រប់គ្រាន់ដើម្បីទទួលបានការលើកលែងទោសនៅឆ្នាំ ២០២១នេះ។

ការសម្រេចចិត្តនេះចូលជាធរមានចាប់ពីថ្ងៃទី ១ ខែកញ្ញាឆ្នាំ ២០២១។ នាយករដ្ឋមន្រ្តី ប្រធាននិងសមាជិកក្រុមប្រឹក្សាពិគ្រោះយោបល់សម្រាប់ការលើកលែងទោស ប្រធានតុលារការប្រជាជនកំពូល ប្រធានអយ្យកាប្រជាជនកំពូលនិងប្រធានខុទ្ទកាល័យប្រធានរដ្ឋ ទទួលខុសត្រូវចំពោះការអនុវត្តសេចក្តីសម្រេចនេះ៕

តាម VOV5 - វិទ្យុសម្លេងវៀតណាម