ពិធីបុណ្យវៀតណាមនៅជប៉ុនត្រូវបានធ្វើឡើងក្នុងរយៈពេលពីរថ្ងៃគឺថ្ងៃទី៨និងទី៩ខែកញ្ញា នៅទីក្រុង Yokohama ខេត្ត Kanagawa ប្រទេសជប៉ុន។
ឯកអគ្គរដ្ឋទូតវៀតណាមប្រចាំជប៉ុនលោក Nguyen Quoc Cuong អភិបាលខេត្ត Kanagawa
និងឯកអគ្គរដ្ឋទូតមហោស្រពបានប្រកាសបើកសម្ពោធព្រឹត្តិការណ៍នេះ (រូបថតៈ TTXVN)
អញ្ជើញថ្លែងមតិ ក្នុងពិធីបើក ឯកអគ្គរដ្ឋទូតវៀតណាមប្រចាំនៅជប៉ុន លោក Nguyen Quoc Cuong បានឲ្យដឹងថា ចាប់តាំងពីឆ្នាំ២០១៥ មក ពិធីបុណ្យវៀតណាមនៅ Kanagawa ត្រូវបានធ្វើឡើងចំនួន៣លើក ហើយសុទ្ធតែទទួលបានជោគជ័យយ៉ាងត្រចះត្រចង់។
នេះជាព្រឹត្តិការណ៍ដែលត្រូវបានរៀបចំឡើង សំដៅជម្រុញការផ្លាស់ប្តូរវប្បធម៌ សេដ្ឋកិច្ច ពាណិជ្ជកម្មនិងវិនិយោគរវាងវៀតណាមជាមួយខេត្ត Kanagawa។ ឯកអគ្គរដ្ឋទូត លោក Nguyen Quoc Cuong បានសង្កត់ធ្ងន់ថា ពិធីបុណ្យវៀតណាម ឆ្នាំ ២០១៨នេះ គឺពោរពេញទៅដោយអត្ថន័យ ព្រោះថាបានប្រព្រឹត្តទៅចំឱកាស ខួបលើកទី៤៥នៃទិវាង្កើតទំនាក់ទំនងការទូតវៀតណាម-ជប៉ុន។ លោកឯកអគ្គរដ្ឋទូតជឿជាក់ថា ពិធីបុណ្យវៀតណាម នៅ Kanagawa ឆ្នាំ២០១៨ ទទួលបានជោគជ័យយ៉ាងត្រចះត្រចង់ រួមចំណែកជម្រុញទំនាក់ទំនងរវាងប្រទេសទាំងពីរឲ្យកាន់តែអភិវឌ្ឍន៍ជាក់ស្តែងនាពេលខាងមុខ។
រីឯខ្លួនវិញ អភិបាលខេត្ត Kanagawa លោក Kuroiwa Yuji ក៏បានលើកឡើងថា ព្រឹត្តិការណ៍នេះជាស្ពានសំខាន់សំដៅតភ្ជាប់និងជម្រុញទំនាក់ទំនងមិត្តភាពរវាងវៀតណាមនិងខេត្ត Kanagawa ឲ្យកាន់តែស៊ីជម្រៅថែមទៀត៕
តាម VOV5 - វិទ្យុសម្លេងវៀតណាម
