នាយករដ្ឋមន្រ្តីរដ្ឋាភិបាលវៀតណាមទើបនឹងបានសម្រេចពង្រឹងគណៈកម្មការទទួលបន្ទុកយុទ្ធសាស្ត្រឧស្សាហូបនីយកម្មរបស់វៀតណាមក្នុងក្របខ័ណ្ឌកិច្ចសហប្រតិបត្តិការវៀតណាម-ជប៉ុនឆ្ពោះទៅឆ្នាំ២០២០ ទស្សនៈវិស័យដល់ឆ្នាំ ២០៣០។

គណៈកម្មការនេះមានមុខងារជួយនាយករដ្ឋមន្រ្តីរដ្ឋាភិបាលក្នុងការស្រាវជ្រាវ បញ្ជាណែនាំនិងសហការដោះស្រាយភារកិច្ច​ទាក់ទិនដល់ការអនុវត្តយុទ្ធសាស្ត្រឧស្សាហូនីយកម្មរបស់វៀតណាមក្នុងក្របខ័ណ្ឌកិច្ចសហប្រតិបតិ្តការ​វៀត​ណាម​ -ជប៉ុនឆ្ពោះទៅឆ្នាំ២០២០ ទស្សនៈវិស័យដល់ឆ្នាំ២០៣០។ គណៈ កម្មការមានភារកិច្ចជួយនាយករដ្ឋមន្រ្តីរដ្ឋាភិបាលតម្រង់ទិស ចាត់វិធានការធំៗ ដើម្បីអនុវត្តន៍យុទ្ធសាស្រ្តលើកឡើងភារកិច្ចនិងបញ្ហាសំខាន់ ក៏ដូចជារាយការណ៍ដល់នាយករដ្ឋមន្រ្តីរដ្ឋាភិបាលអំពីការលំបាក ការជំពាក់ជំពិនក្នុងដំណើរការអនុវត្ត យុទ្ធសាស្ត្រ សំដៅធានាការអនុវត្តប្រកបដោយជោគជ័យនូវយុទ្ធសាស្ត្រឧស្សាហូបនីយកម្មរបស់វៀតណាមក្នុងក្របខ័ណ្ឌកិច្ចសហប្រតិបតិ្តការ​វៀតណាម-ជប៉ុនឆ្ពោះទៅឆ្នាំ២០២០ ទស្សនៈវិស័យដល់ឆ្នាំ២០៣០ ផងដែរ៕
 

តាម VOV5 - វិទ្យុសម្លេងវៀតណាម