ព័ត៌មាន
នាយករដ្ឋមន្រ្តីលោក Nguyen Xuan Phuc អញ្ជើញចូលរួមកម្មវិធីបុណ្យតេតជួបជុំដោយសុខដុមនៅខេត្ត Vinh Long
លោកនាយករដ្ឋមន្រ្តីបានប្រគល់ផ្ទះចំនួន ១០០ ខ្នង ជូនដល់ប្រជាជនក្រីក្រនៅខេត្ត Vinh Long (រូបថតៈ VGP Quang Hieu)
នាថ្ងៃទី១៤ ខែមករា ឆ្នាំ២០២០ នៅទីក្រុង Vung Liem (នៃស្រុក Vung Liem ខេត្ត Vinh Long) លោកនាយករដ្ឋមន្រ្តី Nguyen Xuan Phuc បានអញ្ជើញចូលរួមកម្មវិធី “បុណ្យតេតជួបជុំដោយសុខដុម” “បុណ្យតេតសម្រាប់ជនក្រីក្រនិងជនរងគ្រោះដោយជាតិគីមីពុលពណ៌លឿងទុំ” និទាឃរដូវ ឆ្នាំជូត ទោស័ក ២០២០។
“បុណ្យតេតជួបជុំដោយសុខដុម” គឺជាគំនិតផ្តួចផ្តើមរបស់សហភាពពលករវៀតណាម ដែលត្រូវបានរៀបចំឡើងជារៀងរាល់ឆ្នាំ ដើម្បីថែរក្សាបុណ្យតេតជូនសមាជិកសហជីពនិងកម្មករ។ ចលនា “បុណ្យតេតសម្រាប់ជនក្រីក្រនិងជនរងគ្រោះដោយជាតិគីមី ពុល ពណ៌លឿងទុំ” ដែលបានរៀបចំឡើងដោយមជ្ឈឹមសមាគមកាកបាទក្រហមវៀត ណាម បានរួមចំណែកនាំមកនូវបរិយាកាសសប្បាយរីករាយ ប្រកបដោយភាពសុខ ដុមនិងភាពកក់ក្តៅរបស់និទាឃរដូវដែលបានមកដល់ជាមួយគ្រួសារមានស្ថានភាពលំបាក។
អញ្ជើញថ្លែងមតិនៅទីនេះ លោកនាយករដ្ឋមន្រ្តី Nguyen Xuan Phuc បានស្នើអោយខេត្ត Vinh Long និងសហភាពពលករវៀតណាម ត្រូវត្រៀមប្រភពជំនួយ ដើម្បីថែទាំដល់កម្មករនៅតំបន់ឧស្សាហកម្មនិងរោងចក្រធំៗ។ ជាពិសេស ម្ចាស់អាជីវកម្មត្រូវយកចិត្តតទុកដាក់បន្ថែមទៀត លើជីវភាពខាងសម្ភារៈក៏ដូចជាខាងស្មារតីរបស់និយោជិក ដើម្បីអភិវឌ្ឍអាជីវកម្មរបស់ខ្លួន។ ក្នុងឱកាសនេះ លោកនាយករដ្ឋមន្រ្តីបានប្រគល់ផ្ទះចំនួន ១០០ ខ្នង ជូនដល់ប្រជាជនក្រីក្រនៅខេត្ត Vinh Long៕
តាម VOV5 - វិទ្យុសំឡេងវៀតណាម
