ក្នុងឱកាសអញ្ជើញចូលរួមកិច្ចប្រជុំកំពូលលើកទី៣នៃគណៈកម្មាធិការទន្លេមេគង្គអន្តរជាតិ នាថ្ងៃទី៥ ខែមេសា ឆ្នាំ២០១៨ នាយករដ្ឋមន្រ្តីវៀតណាម លោក Nguyen Xuan Phuc បានជួបសំណេះសំណាលជាមួយតំណាងសហគមន៍ជនកម្ពុជាមានដើមកំណើតវៀតណាម នៅខេត្តសៀមរាប។
នាយករដ្ឋមន្រ្តីលោក Nguyen Xuan Phuc ថ្លែងមតិក្នុងជំនួបនេះ
លោកនាយករដ្ឋមន្រ្តីបានជូនពរសហគមន៍ជនកម្ពុជាដើមកំណើតវៀតណាមទាំងមូល ក្នុងឱកាសបុណ្យចូលឆ្នាំថ្មីកម្ពុជា ព្រមទាំងអះអាងថា បក្ស និងរដ្ឋាភិបាលវៀតណាមជានិច្ចកាលយកចិត្តទុកដាក់ និងទុកមនោសញ្ចេតនា ពិសេសចំពោះអាណិកជនវៀតណាមនៅឯបរទេសនិយាយរួម និងនៅកម្ពុជានិយាយដោយឡែក។ លោក Nguyen Xuan Phuc បានស្នើឲ្យស្ថាប័នតំណាងវៀតណាមប្រចាំកម្ពុជានិងអាជីវករ ពាណិជ្ជករវៀតណាមនៅកម្ពុជា ជួយឧបត្ថម្ភសហគមន៍ជនកម្ពុជាដើមកំណើតវៀតណាមក្នុងជីវភាពរស់នៅ រួមចំណែកលើកកំពស់ឋានៈនិងកិត្យានុភាពរបស់ជនកម្ពុជាដើមកំណើតវៀតណាម។ លោក នាយករដ្ឋមន្រ្តីក៏ស្នើឲ្យប្រជាអាណិកជនគោរពច្បាប់កម្ពុជា បន្តរួមវិភាគទានកសាងព្រះរាជាណាចក្រកម្ពុជាប្រកបដោយសម្បូររុងរឿង ព្រមទាំងរក្សាភាសាវៀតណាម អត្តសញ្ញាណនិងវប្បធម៌ប្រពៃណីវៀតណាម ផងដែរ។
ក្នុងឱកាសនេះ នាយករដ្ឋមន្រ្តីលោក Nguyen Xuan Phuc បានជូនអំណោយចំពោះគ្រួសារជនកម្ពុជាដើមកំណើតវៀតណាមក្រីក្រនិងមានជីវភាពរស់នៅលំបាក៕
តាម VOV5 - វិទ្យុសម្លេងវៀតណាម
