ឆ្ពោះទៅតំបន់មេគង្គសកម្មនិងសម្បូររុងរឿង
ចាប់ពីថ្ងៃទី ២៥ ដល់ថ្ងៃទី ២៦ ខែតុលា ឆ្នាំ២០១៦ នៅទីក្រុងហាណូយ នឹងប្រព្រឹត្តទៅសន្និសីទជាន់ខ្ពស់កិច្ចសហប្រតិបត្តិការកម្ពុជា-ឡាវ-មីយ៉ាន់ម៉ា-វៀតណាម (CLMV) លើកទី ៨ សន្និសីទជាន់ខ្ពស់យុទ្ធសាស្ត្រសហប្រតិបត្តិការសេដ្ឋកិច្ច Ayeyawady – Chao Phraya – Mekong ( ACMECS) លើកទី៧ និងសន្និសីទ វេទិកាសេដ្ឋកិច្ចសកលស្ដីអំពីតំបន់មេគង្គ (WEF-មេគង្គ)។
ជាសមាជិកសកម្ម និងមានការទទួលខុសត្រូវ វៀតណាមបាននិងកំពុងមានការរួមវិភាគទានសកម្ម ក្នុងកិច្ចសហប្រតិបត្តិការ CLMV និង ACMECS។ចំពោះកិច្ចសហប្រតិបត្តិការ CLMV វៀតណាមបានកសាងមូលនិធិអាហារូបករណ៍ CLMV តាមនោះជាប្រចាំឆ្នាំ វៀតណាមផ្តល់អាហាររូបករណ៍រាប់សិបចំណែកសំរាប់ប្រទេសឡាវ កម្ពុជា និងមីយ៉ាន់ម៉ា។ ក្នុងយន្តការសហប្រតិបត្តិការ CLMV និងACMECS វៀតណាមសុទ្ធតែដើរតួនាទីជាអ្នកសម្របសម្រួលវិស័យសហប្រតិបត្តិការជំនាញមួយចំនួន។
ក្នុងឱកាសនេះដែរ តាមការផ្តើមគំនិតរបស់វៀតណាម សន្និសីទ វេទិកាសេដ្ឋកិច្ចសកលស្ដីអំពីតំបន់មេគង្គ (WEF-មេគង្គ) នឹងបានរៀបចំឡើងជាលើកដំបូងរួមជាមួយសន្និសីទ CLMV និង ACMECS ដើម្បីផ្សព្វផ្សាយអំពីសក្ដានុភាពរបស់តំបន់មេគង្គចំពោះសហគមន៍អង្គភាពអាជីវកម្មអន្តរជាតិ៕
តាម VOV5 - វិទ្យុសម្លេងវៀតណាម
