• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ឯកអគ្គរដ្ឋទូត Dang Dinh Quy ជម្រាបលាអគ្គលេខាធិការអង្គការសហប្រជាជាតិក្នុងឱកាសបញ្ចប់អាណត្តិបេសកកម្ម

នាថ្ងៃទី ២៨ មករា ឯកអគ្គរដ្ឋទូត លោក Dang Dinh Quy ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិនៅទីក្រុងញូវយ៉ក សហរដ្ឋអាមេរិក បានអញ្ជើញជួបសំណេះ សំណាលនិងជម្រាបលាជាមួយអគ្គលេខាធិការអង្គការសហប្រជាជាតិ លោក Antonio Guterres ក្នុងឱកាសបញ្ចប់អាណត្តិបេសកកម្ម។

ឯកអគ្គរដ្ឋទូត Dang Dinh Quy ជួបជម្រាបលាអគ្គលេខាធិការអង្គការសហប្រជាជាតិ លោក Antonio Guterres ក្នុងឱកាសបញ្ចប់អាណត្តិបេសកកម្ម (ប្រភព៖ គណៈប្រតិភូកីឡាវៀតណាមប្រចាំអង្គការសហប្រជាជាតិ)


ក្នុងជំនួបនេះ អគ្គលេខាធិការអង្គការសហប្រជាជាតិ លោក Antonio Guterres បានវាយតំលៃខ្ពស់ចំពោះការរួមចំណែកយ៉ាងច្រើនរបស់វៀតណាមចំពោះការងារនិងអាទិភាពធំៗរបស់អង្គការសហប្រជាជាតិក្នុងរយៈពេលកន្លងមក ជាពិសេសក្នុងរយៈពេលពីរឆ្នាំ ២០២០-២០២១ ក្នុងនាមជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ។ លោក Guterres បាននិយាយថា វៀតណាមបានធ្វើការប្តេជ្ញាចិត្តយ៉ាងមុតមាំ និងសកម្មក្នុងបញ្ហាជាច្រើនដូចជា ការចូលរួមក្នុងសកម្មភាពរក្សាសន្តិភាពរបស់អង្គការសហប្រជាជាតិនិងឆ្លើយតបទៅនឹងការប្រែប្រួលអាកាសធាតុ។ លោកអគ្គលេខាធិការបានអះអាងថា លោកតែងតែយកចិត្តទុកដាក់ចំពោះតួនាទីនិងឋានៈរបស់វៀតណាម ហើយនឹងបន្តកិច្ចខិតខំប្រឹងប្រែងឱ្យអស់ពីសមត្ថភាពដើម្បីគាំទ្រវៀតណាមនាពេលខាងមុខ រួមទាំងជំរុញកិច្ចសហប្រតិបត្តិការនិងការគាំទ្រពីអង្គការសហប្រជាជាតិ និងសហគមន៍អន្តរជាតិ ដើម្បីជួយឧបត្ថម្ភ វៀតណាមអនុវត្តន៍ការប្តេជ្ញាចិត្តស្តីពីការប្រែប្រួលអាកាសធាតុដែលបានធ្វើឡើងនាពេលកន្លងមក ជាពិសេសនៅក្នុងកិច្ចប្រជុំកំពូលស្តីពីការប្រែប្រួលអាកាសធាតុរបស់អង្គការសហប្រជាជាតិឆ្នាំ ២០២១ (COP26) ហើយទន្ទឹមនឹងនោះបានសម្តែងក្តីរំពឹងថា វៀតណាមនឹងមានការចូលរួមវិភាគទានយ៉ាងសកម្មថែមទៀតចំពោះអង្គការសហប្រជាជាតិនិងបញ្ហាអន្តរជាតិនិងតំបន់ដែលមានការយកចិត្តទុកដាក់ដូចគ្នា។ លោកអគ្គលេខាធិការបានឲ្យដឹងថា ក្នុងរយៈពេលកន្លងមក គណៈប្រតិភូវៀតណាមប្រចាំនៅអង្គការសហប្រជាជាតិ ក៏ដូចជាឯកអគ្គរដ្ឋទូត លោក Dang Dinh Quy ផ្ទាល់ បានរួមចំណែកជំរុញប្រកបដោយប្រសិទ្ធភាពទំនាក់ទំនងរវាងវៀតណាមនិងអង្គការសហប្រជាជាតិ ក៏ដូចជាការចូលរួមរបស់វៀតណាមក្នុងបញ្ហាអន្តរជាតិ។

រីឯខ្លួនវិញ លោកឯកអគ្គរដ្ឋទូត Dang Dinh Quy បានអះអាងថា បក្ស រដ្ឋ និងប្រជាជនវៀតណាម ជានិច្ចកាលវាយតម្លៃខ្ពស់ចំពោះការគាំទ្រ និងកិច្ចសហប្រតិបត្តិការរបស់អង្គការសហប្រជាជាតិក្នុងការអភិវឌ្ឍរបស់វៀតណាម ហើយស្នើឲ្យលោកអគ្គលេខាធិការបន្តមានការរួមចំណែកជួយឧបត្ថម្ភដើម្បីវៀតណាមអាចចូលរួមវិភាគទានច្រើនថែមទៀតទៅក្នុងការងាររួមរបស់អង្គការសហប្រជាជាតិ៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

បន្តផ្តល់អាទិភាពដល់ការរក្សាស្ថិរភាពម៉ាក្រូសេដ្ឋកិច្ច និងការគ្រប់គ្រងអតិផរណា

បន្តផ្តល់អាទិភាពដល់ការរក្សាស្ថិរភាពម៉ាក្រូសេដ្ឋកិច្ច និងការគ្រប់គ្រងអតិផរណា

នាព្រឹកថ្ងៃទី២ ខែកុម្ភៈ ឆ្នាំ២០២៣ នៅរដ្ឋធានីហាណូយ ក្រោមអធិបតីភាពរបស់លោកនាយករដ្ឋមន្ត្រី Pham Minh Chinh រដ្ឋាភិបាល វៀតណាមបានបើកកិច្ចប្រជុំប្រចាំខែមករាឆ្នាំ ២០២៣។

Top