ចាប់ផ្តើមដំណើរទស្សនកិច្ចនៅព័រទុយហ្គាល់នោះ នាថ្ងៃទី២៦ ខែមករា ឆ្នាំ២០១៨ ឧបនាយករដ្ឋមន្ត្រីវៀតណាម លោក Vuong Dinh Hue បានអញ្ជើញជួបសម្តែងការគួរសមប្រធានរដ្ឋសភា លោក Eduardo Rodrigues និងជួបពិភាក្សាជាមួយរដ្ឋមន្ត្រីក្រសួងការងារសមូហភាពនិងសុខុមាលភាពសង្គម Jose’ António Vieira Da Silva។

ឧបនាយករដ្ឋមន្ត្រី លោក Vuong Dinh Hue អញ្ជើញទទួលជួបជាមួយប្រធានរដ្ឋសភាព័រទុយហ្គាល់
លោក Eduardo Ferro Rodrigues (រូបថតៈ VOV)

នៅក្នុងបណ្តាជំនួបនេះ ឧបនាយករដ្ឋមន្ត្រី លោក Vuong Dinh Hue បានអះអាងថា វៀតណាមជានិច្ចកាលយកចិត្តទុកដាក់លើទំនាក់ទំនងសហប្រតិបត្តិការជាមួយព័រទុយហ្គាល់។ ដំណើរទស្សនកិច្ចលើកនេះមានវត្តមានរបស់​សម្ព័ន្ធក្រុមហ៊ុនសេដ្ឋកិច្ចជួរមុខរបស់វៀតណាមជាច្រើននោះគឺសំដៅជម្រុញថែមទៀតទំនាក់ទំនងសេដ្ឋកិច្ច ពាណិជ្ជកម្មជាមួយព័រទុយហ្គាល់។ លោកឧបនាយករដ្ឋមន្ត្រីវៀតណាមបានស្នើឲ្យព័រទុយហ្គាល់ពង្រីកនូវតួនាទីជាសមាជិក EU ដើម្បីជម្រុញកិច្ចសហប្រតិបត្តិការពាណិជ្ជកម្មនិងការតភ្ជាប់រវាងអង្គការចំនួនពីរក្នុងតំបន់គឺអាស៊ាននិង EU ជាពិសេស ជម្រុញឲ្យ EU ចុះហត្ថលេខាយ៉ាងឆាប់ៗលើកិច្ចព្រមព្រៀងពាណិជ្ជកម្មសេរីវៀតណាម - EU (EVFTA) ផងដែរ៕

តាម VOV5 - វិទ្យុសម្លេងវៀតណាម