នាថ្ងៃទី ១១ ខែកុម្ភៈ ឆ្នាំ២០១៩​ ឧបនាយករដ្ឋមន្ត្រីវៀតណាម លោក Vu Duc Dam បានអញ្ជើញទៅសួរសុខទុក្ខ និងជូនអំណោយសម្រាប់កម្មករ និងពលករនៅខេត្ត Bac Giang។

 ឧបនាយករដ្ឋមន្ត្រីវៀតណាម លោក Vu Duc Dam អញ្ជើញសួរសុខទុក្ខ និងជូនអំណោយសម្រាប់កម្មករ
និងពលករនៅខេត្ត Bac Giang

ក្នុងឱកាសដើមឆ្នាំថ្មី អញ្ជើញទៅសួរសុខទុក្ខនិងជូនអំណោយសម្រាប់កម្មករ និងពលករដែលមានស្ថានភាពលំ​បាក​ នៅក្រុមហ៊ុនចំកាត់ SJ Teach វៀតណាម (មណ្ឌលឧស្សាហកម្ម Van Trung ស្រុក Viet Yen ខេត្ត Bac Giang) នោះ លោក Vu Duc Dam បានផ្ញើសេចក្ដីជូនពរឆ្នាំថ្មីដល់គណៈដឹកនាំ កម្មាភិបាល បុគ្គលិក និងពលករ ទាំងអស់​នៃក្រុមហ៊ុន ប្រសិទ្ធិពរក្រុមហ៊ុនសម្រេចល្អនូវភារកិច្ច និងផលិតចេញផលិតផលជាច្រើន ដែលត្រូវបានអតិថិជន​វាយតម្លៃខ្ពស់។

អញ្ជើញទៅទស្សនាក្រុមហ៊ុនភាគហ៊ុន គ្រប់គ្រងគម្រោងនគរ Bac Giang (សង្កត់ My Do ទីក្រុង Bac Giang) នោះ ឧបនាយករដ្ឋមន្ត្រី លោក Vu Duc Dam បានជូនពរដល់កម្មាភិបាល បុគ្គលិក និងពលករទាំងអស់នៃក្រុមហ៊ុន មានសុខភាពល្អ សេចក្ដីសុខ និងទទួលបានស្នាដៃជាច្រើនថែមទៀត ព្រមទាំងផ្ញើសេចក្ដីតបស្នងការដឹងគុណចំពោះការខិតខំប្រឹងប្រែងរបស់កម្មករបរិស្ថាន។ នៅទីនេះ លោក Vu Duc Dam បានសំ​ណេះសំណាល និងជូនអំណោយសម្រាប់កម្មករបរិស្ថាន ដែលកំពុងធ្វើការនៅសង្កាត់  Tran Phu ទីក្រុង Bac Giang។

ក្នុងឱកាសនេះ ឧបនាយករដ្ឋមន្ត្រី លោក Vu Duc Dam បានអញ្ជើញទៅសួរសុខទុក្ខ និងជូនពរឆ្នាំថ្មីចំពោះថ្នាក់ដឹកនាំគណកម្មាធិការបក្សខេត្ត និងគណកម្មាធិការប្រជាជនខេត្ត Bac Giang ផងដែរ៕

តាម VOV5 - វិទ្យុសម្លេងវៀតណាម