ចំពោះអ្នកសារព័ត៌មាន អ្នករៀបរៀងកាសែតរូបភាពវៀតណាម ជាកាសែតការទូតរបស់ជាតិ ជំនាញខាងរូបភាពតែមួយគត់របស់វៀតណាម នេះជាឱកាសប្រពៃសន្តាប់ការចែករំលែក អំពីរូបថតប្រវត្តិសាស្រ្តក្រក្រើកពិភពលោក៥០ឆ្នាំមុន អំពីរូបថតព័ត៌មានក៏ដូចជាបទពិសោធន៍បំពេញការងារនៅកន្លែងកើតហេតុ របស់អតីតអ្នកសារព័ត៌មានរូបថត ដែលធ្វើការ៥២ឆ្នាំនៅទីភ្នាក់ងារ Associated Press (AP)។
ក្នុងកិច្ចជំនួប លោក Nick Ut បានចែករំលែកអំពីអារម្មណ៍របស់ខ្លួន ពេលថតរូបកុមារ ផាន ធីគីមភុក (Phan Thi Kim Phuc) អាយុ៩ឆ្នាំ ភិតភ័យរត់ក្នុងស្ថានភាពអាក្រាត នៅពេលត្រូវរលាក់ដោយប៉ម Napalm និងកុមារផ្សេងៗក៏ត្រូវរលាក់ដោយប៉ម Napalm របស់អាមេរិកផងដែរ នៅស្រុកត្រាងបាង (Trang Bang) ខេត្តតីនិញ (Tay Ninh) នៅឆ្នាំ១៩៧២។ ពេលឃើញរូបថតនេះ នៅលើតុរបស់លោក អ្នកសារព័ត៌មានថតរូបរបស់ AP លោក Horst Faas អ្នកដែលពីរលើកទទួលបានរង្វាន់ Pulitzer ក៏បានយករូបថតនេះផ្ញើទៅទីភ្នាក់ងារដើម្បីចុះផ្សាយ។ ថ្ងៃបន្ទាប់ រូបថតនេះក៏មាននៅលើទំព័រទី១របស់កាសែតអាមេរិក ក្រក្រើកពិភពលោក។ “កុមារ Napalm” បានបង្ហាញឱ្យពិភពលោក បានស្គាល់អំពីការពិតនៃសង្គ្រាម ដែលអាមេរិកធ្វើចំពោះវៀតណាម នៅនាសម័យកាលនោះ សង្រ្គាមបានវាយប្រហារនារីនិងកុមារដូចម្តេច។
តាមរយៈរូបថត “កុមារ Napalm” លោក Nick Ut ទទួលបានរង្វាន់ Pulitzer ជាជនជាតិវៀតណាមដំបូងនៅសតវត្សរ៍ទី២០ ទទួលបានរង្វាន់មួយក្នុងចំណោមរង្វាន់កម្រពិសេសបំផុតរបស់កាសែត។ រូបថតនេះបានជាប់ចំណាត់ថ្នាក់លេខ៤១ ក្នុងចំណោម១០០សន្លឹករូបថត ដែលមានកម្លាំងឥទ្ធិពលបំផុតក្នុងអំឡុងពេល៥០ឆ្នាំ។ រូបថតក៏បានរួមចំណែកជំរុញដល់ការបញ្ចប់សង្គ្រាមនៅវៀតណាម។
លោក Nick Ut ឱ្យដឹងថា លោកក៏មានអនុស្សាវរីយ៍ជាច្រើននៅអំឡុងពេលធ្វើការ៥២ឆ្នាំនៅទីភ្នាក់ងារAP នៅពេលថតរូបការកាត់ក្តីដែលពាក់ព័ន្ធដល់សិល្បករល្បីឈ្មោះរបស់ Hollywood ដូចជាលោក Pop Michael Jackson លោក Marlon Brando។ល។ ប៉ុន្តែកាលៈទេសៈថតរូប “កុមារ Napalm” នៅតែដក់ជាប់ក្នុងបេះដុងលោក និងផ្លាស់ប្តូរជីវិតលោកទាំងស្រុង៕