យោងតាមសាស្ត្រាចារ្យ Jha កំណើនសេដ្ឋកិច្ចរបស់វៀតណាមកំពុងតែបង្កើនល្បឿន ហើយវិស័យកសិកម្មបាននិងកំពុងធានាសន្តិសុខស្បៀងអាហារសម្រាប់ប្រជាជនវៀតណាម។ សមិទ្ធិផលមួយទៀតដែលវៀតណាមសម្រេចបានគឺការបង្កើនអាយុសង្ឃឹមរស់ និងការធានារ៉ាប់រងសុខភាពសាធារណៈបានគ្របដណ្តប់ប្រជាជនជាង៨៧%។ សាស្ត្រាចារ្យ Jha បានឲ្យដឹងថា ចំនួនប្រជាជនវៀតណាមនៅវ័យក្មេង ហើយកំពុងសម្របខ្លួនទៅនឹងសេដ្ឋកិច្ចឌីជីថល។ វៀតណាមកំពុងកសាងមូលដ្ឋានស្នូលសម្រាប់សមាជិកភាពក្នុងបណ្តាអង្គការសេដ្ឋកិច្ចនៅតំបន់ ដែលបង្កលក្ខណៈងាយស្រួលសម្រាប់កំណើនក្នុងវិស័យជាច្រើន។
បើតាមសាស្ត្រាចារ្យ Pankaj Jha ការវិនិយោគផ្ទាល់ពីបរទេស (FDI) មកកាន់វៀតណាមមានភាពរឹងមាំដែលសម្រេចបានចំនួនជិត ២៧,៧២ពាន់លានដុល្លារក្នុងឆ្នាំ ២០២២។ បរិយាកាសសេដ្ឋកិច្ចអំណោយផលត្រូវបានកែលម្អ ហើយត្រូវបានក្រុមហ៊ុនដូចជា Adidas, Nike និង Samsung វាយតម្លៃខ្ពស់។ ដោយមានការអភិវឌ្ឍនៃបច្ចេកវិទ្យាឌីជីថលថ្មីថ្មោង និងការយល់ដឹងពីអ្នកប្រើប្រាស់កាន់តែប្រសើរឡើង វៀតណាមកំពុងបង្កើតការផ្លាស់ប្តូរយ៉ាងស៊ីជំរៅក្នុងខឿនសេដ្ឋកិច្ច ដោយផ្អែកលើបច្ចេកទេសវិទ្យាឌីជីថលនិងយកចិត្តទុកដាក់កាន់តែខ្លាំងលើការអភិវឌ្ឍវិទ្យាសាស្ត្រនិងបច្ចេកវិទ្យា។
សាស្ត្រាចារ្យ Jha ក៏បានសង្កត់ធ្ងន់ថា កត្តារួមចំណែកដល់កំណើនគួរឲ្យកាត់សម្គាល់នៃសេដ្ឋកិច្ចវៀតណាមគឺសេរីភាវូបនីយកម្មពាណិជ្ជកម្ម ការកែលម្អបរិយាកាសធ្វើអាជីវកម្ម ការវិនិយោគលើប្រភពធនធានមនុស្ស និងជាពិសេសគឺនយោបាយមានស្ថិរភាព៕
