• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

អបអរសាទរខួបលើកទី៤០ នៃ UNCLOS៖ ជម្រុញកិច្ចសហប្រតិបត្តិការដែនសមុទ្រនៅអាស៊ីអាគ្នេយ៍

នេះជាប្រធានបទនៃកិច្ចសន្ទនាសមុទ្រលើកទី៨ ដោយបណ្ឌិត្យសភាការទូត (DAV), ស្ថានទូតអូស្ត្រាលីប្រចាំនៅវៀតណាម និងមូលនិធិ Konrad Adenauer Stiftung (KAS) សហការគ្នារៀបចំឡើងនាព្រឹកថ្ងៃទី២៩ ខែមិថុនា នៅទីក្រុងហាណូយ។
  អនុរដ្ឋមន្ត្រីក្រសួងការបរទេសវៀតណាម លោក Pham Quang Hieu ថ្លែងសុន្ទរកថាបើកកិច្ចសន្ទនា (រូបថត៖ TTXVN)  

ការសន្ទនានេះមានការចូលរួមពីវាគ្មិនដែលជាអ្នកជំនាញដ៏មានកិត្យានុភាពមកពីប្រទេសនិងតំបន់ដែន ដីចំនួន ១៤ ព្រមទាំង តំណាងអង្គការសហប្រជាជាតិ ឯកអគ្គរដ្ឋទូត និងគណៈប្រតិភូអន្តរជាតិចំនួន ៥៣ រូប មានវត្តមាននៅវៀតណាម។ ថ្លែងមតិក្នុងពិធីបើកកិច្ចសន្ទនា អនុរដ្ឋមន្ត្រីការបរទេសវៀតណាម លោក Pham Quang Hieu បានសង្កត់ធ្ងន់ថា ការអនុម័តអនុសញ្ញាអង្គការសហប្រជាជាតិស្តីពីច្បាប់សមុទ្រកាលពី ៤០ ឆ្នាំមុន គឺជាព្រឹត្តិការណ៍ប្រវត្តិសាស្ត្រក្នុងការអភិវឌ្ឍច្បាប់អន្តរជាតិស្តីពីសមុទ្រ។ ជាលើកដំបូង ក្របខ័ណ្ឌច្បាប់ដ៏ទូលំទូលាយមួយ "រដ្ឋធម្មនុញ្ញ" នៃមហាសមុទ្រត្រូវបានបង្កើតឡើង។

  ទិដ្ឋភាពនៃកិច្ចសន្ទនា (រូបថត៖ TTXVN)  

“ក្នុងរយៈពេល៤០ឆ្នាំកន្លងមកនេះ សណ្តាប់ធ្នាប់ផ្លូវច្បាប់ដែលត្រូវបានបង្កើតឡើងក្រោមអនុសញ្ញាច្បាប់សមុទ្របានរួមចំណែកយ៉ាងធំធេងក្នុងការរក្សាសន្តិភាព និងស្ថិរភាពអន្តរជាតិ។ ការដោះស្រាយជម្លោះនៅសមុទ្រដោយសន្តិវិធីស្របតាមច្បាប់អន្តរជាតិក៏ត្រូវបានលើកកម្ពស់ផងដែរ។ ក្នុងបរិបទនៃការកើនឡើងនៃបញ្ហាប្រឈមនៅសមុទ្រ សហគមន៍អន្តរជាតិគួរតែប្រកាន់ខ្ជាប់នូវនីតិរដ្ឋ និងអនុវត្តន៍ដោយស្មោះត្រង់ជាមួយនឹងកាតព្វកិច្ចផ្លូវច្បាប់ក្រោមអនុសញ្ញា ជាពិសេសក្នុងការទាមទារនិងធ្វើប្រតិបត្តិការនៅសមុទ្រ។ ប្រទេសនានាគួរតែជំរុញកិច្ចសហប្រតិបត្តិការនៅកម្រិតអន្តរជាតិ និងតំបន់សម្រាប់ការអភិរក្ស និងការប្រើប្រាស់ប្រកបដោយនិរន្តរភាពនៃសមុទ្រ និងមហាសាគរ ខណៈពេលដែលធានានូវសេរីភាពនៃការធ្វើនាវាចរណ៍ និងសកម្មភាពនាវាចរណ៍ស្របច្បាប់”។

សូមគូសបញ្ជាក់ថា សិក្ខាសាលាកិច្ចសន្ទនាសមុទ្រអន្តរជាតិលើកទី៨ បានប្រព្រឹត្តទៅក្នុងរយៈពេល១ថ្ងៃ ដោយផ្តោតលើវគ្គពិភាក្សាចំនួន៤៖ “UNCLOS និងតំបន់អាស៊ីអាគ្នេយ៍៖ ប្រធានបទដែលមិនទាន់បានសិក្សាពេញលេញ”; "កាត់បន្ថយការបំភាយឧស្ម័នពីសកម្មភាពដឹកជញ្ជូន"; “កាតព្វកិច្ចសម្រាប់កិច្ចសហប្រតិបត្តិការក្នុងចំណោមប្រទេសនៅក្នុងសមុទ្រពាក់កណ្តាលបិទជិត៖ ទិដ្ឋភាពច្បាប់ ស្ថានភាពជាក់ស្តែងជាតិ និងអនាគតខាងមុខ”; "ការអភិរក្ស និងការប្រើប្រាស់ប្រកបដោយនិរន្តរភាពនៃតំបន់ជីវចម្រុះ នៅក្រៅសិទ្ធិយុត្តាធិការជាតិ”៕

តាម​ VOV5 - វិទ្យុសម្លេងវៀតណាម

វៀតណាមនាំមុខគេនៅអាស៊ីអាគ្នេយ៍ក្នុងការទាក់ទាញអ្នកវិនិយោគរយៈពេលវែង

វៀតណាមនាំមុខគេនៅអាស៊ីអាគ្នេយ៍ក្នុងការទាក់ទាញអ្នកវិនិយោគរយៈពេលវែង

ក្នុងសប្តាហ៍កន្លងទៅ សារព័ត៌មាននិងអង្គការអន្តរជាតិជាច្រើន បានបញ្ចេញមតិថា៖ វៀតណាមជាគោលដៅវិនិយោគ រយៈពេលដែលវែងពោរពេញដោយសក្តានុពល។

Top