នៅក្នុងជំនួបនេះ អនុប្រធានរដ្ឋសភាវៀតណាមលោកស្រី Tong Thi Phong បានអះអាងថា វៀតណាមគោរពទំនាក់ទំនងមិត្តភាពប្រពៃណីជាមួយស៊ែប៊ី ហើយថ្លែងអំណរគុណចំពោះស៊ែប៊ីដោយបានគាំទ្រនិងជួយឧបត្ថម្ភ​វៀតណាម​ ក្នុងបុព្វហេតុតស៊ូរំដោះប្រជាជាតិកាលពីមុននេះ ក៏ដូចជាបុព្វហេតុកសាងនិងអភិវឌ្ឍប្រទេសជាតិ​នា​សព្វថ្ងៃផងដែរ។
 

អនុប្រធានអចិន្រ្តៃយ៍រដ្ឋសភា វៀតណាមលោកស្រី Tong Thi Phong អញ្ជើញជួបសវនាការជាមួយឧបនាយករដ្ឋមន្រ្តីទី១និងជារដ្ឋមន្រ្តីការបរទេសស៊ែប៊ីលោក Ivica Dacic (រូបថត៖ TTXVN)

ក្នុងក្របខ័ណ្ឌនៃដំណើរចូលរួមមហាសន្និបាតសហភាពអន្តរសភាពិភពលោក (IPU) លើកទី ១៤១ នារសៀលថ្ងៃទី១៧ ខែតុលា នៅទីស្នាក់ការក្រសួងការបរទេសស៊ែប៊ី អនុប្រធានអចិន្រ្តៃយ៍រដ្ឋសភាវៀតណាមលោកស្រី Tong Thi Phong បានអញ្ជើញជួបសវនាការជាមួយឧបនាយករដ្ឋមន្រ្តីទី១និងជារដ្ឋមន្រ្តីការបរទេសស៊ែប៊ីលោក Ivica Dacic។

នៅក្នុងជំនួបនេះ អនុប្រធានរដ្ឋសភាវៀតណាមលោកស្រី Tong Thi Phong បានអះអាងថា វៀតណាមគោរពទំនាក់ទំនងមិត្តភាពប្រពៃណីជាមួយស៊ែប៊ី ហើយថ្លែងអំណរគុណចំពោះស៊ែប៊ីដោយបានគាំទ្រនិងជួយឧបត្ថម្ភ​វៀត​ណាម ក្នុងបុព្វហេតុតស៊ូរំដោះប្រជាជាតិកាលពីមុននេះ ក៏ដូចជាបុព្វហេតុកសាងនិងអភិវឌ្ឍប្រទេសជាតិនាសព្វថ្ងៃផងដែរ។ លោកស្រីមានគោលបំណងថា ប្រទេសទាំងពីរនឹងបន្តជំរុញកិច្ចសហប្រតិបតិ្តការលើវិស័យសេដ្ឋកិច្ច ពាណិជ្ជកម្ម វប្បធម៌ អប់រំបណ្ដុះបណ្ដាលនិងកីឡា។

បន្ទាប់នោះ នាល្ងាចថ្ងៃដដែល អនុប្រធានរដ្ឋសភាវៀតណាមលោកស្រី Tong Thi Phong បានចូលរួមពិធីបិទបញ្ចប់មហាសន្និបាត IPU 141។ គណៈប្រតិភូជាន់ខ្ពស់នៃរដ្ឋសភាវៀតណាមដឹកនាំដោយលោកស្រី Tong Thi Phong បានចូលរួមយ៉ាងគ្រប់គ្រាន់ក្នុងសកម្មភាពនៃ IPU 141 ហើយផ្ដល់មតិនៅក្នុងសម័យប្រជុំនានាក្នុងក្របខ័ណ្ឌនៃ IPU។ អនុប្រធានរដ្ឋសភាវៀតណាមលោកស្រី Tong Thi Phong បានថ្លែងសុន្ទរកថានៅសម័យប្រជុំពេញអង្គនៃ IPU 141 ក្រោមប្រធានបទ “ពង្រឹងច្បាប់អន្តរជាតិ៖ តួនាទី យន្តការសភានិងការរួមចំណែកនៃ កិច្ចសហប្រតិបតិ្តការតំបន់”។ សុន្ទរកថានេះទទួលបានការយកចិត្តទុកដាក់និងការវាយតម្លៃវិជ្ជមានរបស់តំណាងជាច្រើន៕

តាម VOV5 - វិទ្យុសម្លេងវៀតណាម