ព័ត៌មាន
អនុប្រធានរដ្ឋវៀតណាមលោកស្រី Dang Thi Ngoc Thinh៖ លើកកំពស់និងបំពេញ គុណភាពនៃខ្សែព្រំដែនគោកវៀតណាម-កម្ពុជា
អនុប្រធានរដ្ឋវៀតណាមលោកស្រី Dang Thi Ngoc Thinh
នារសៀលថ្ងៃទី១៤ ខែវិច្ឆិកា ឆ្នាំ២០១៩ រដ្ឋសភាវៀតណាមបានស្ដាប់របាយការណ៍ ស្ដីពីការស្នើរអោយរដ្ឋសភាអនុម័តលើសន្ធិសញ្ញាបំពេញបន្ថែមនៃសន្ធិសញ្ញា កំណត់ព្រំដែនជាតិឆ្នាំ១៩៨៥និងសន្ធិសញ្ញាបំពេញបន្ថែមឆ្នាំ២០០៥រវាងវៀតណាម និងកម្ពុជា ពិធីសារស្ដីពីការខ័ណ្ឌសីមា បោះបង្គោលព្រំដែនគោករវាងវៀត ណាមនិងកម្ពុជា។
អញ្ជើញថ្លែងរបាយការណ៍នេះនៅសម័យប្រជុំលើកទី៨ រដ្ឋសភានីតិកាលទី១៤ អនុប្រធានរដ្ឋវៀតណាមលោកស្រី Dang Thi Ngoc Thinh បានអះអាងថា៖ “ការចុះហត្ថលេខាលើសន្ធិសញ្ញាបំពេញបន្ថែមឆ្នាំ២០១៩និងពិធីសារខ័ណ្ឌសីមា បោះបង្គោលព្រំដែន គឺជារបត់ប្រវត្តិសាស្ត្រដែលគូសសញ្ញានូវកិច្ចខិតខំ ប្រឹងប្រែងរបស់ប្រទេសទាំងពីរក្នុងការដោះស្រាយបញ្ហាព្រំដែន ព្រមទាំងនឹង បង្កើតឡើងស្ថានការណ៍ថ្មីអំពីសន្តិសុខ នយោបាយ និងទំនាក់ទំនងរវាងប្រទេស ទាំងពីរក៏ដូចជាក្នុងតំបន់ផងដែរ។ នេះជាមូលដ្ឋានគតិយុត្ត ដែលធានាថានា ពេលអនាគត គ្មានអានុភាពណាមួយដែលអាចផ្ដួលរលំឬលុបបំបាត់សមិទ្ធិផលក្នុង ការដោះស្រាយបញ្ហាព្រំដែនគោករវាងប្រទេសទាំងពីរ រាំងស្កាត់ការដែលអានុ ភាពអមិត្តឆ្លៀតយកបញ្ហាព្រំដែននេះធ្វើជាសន្លឹកបៀរនយោបាយ បំប្លែងការពិត ញុះញង់ការបំផ្លាញប្រឆាំងនឹងរដ្ឋនីមួយៗនិងទំនាក់ទំនងទ្វេភាគី។ នេះជាគំរូ សម្រាប់ការដោះស្រាយបញ្ហាព្រំដែនប្រកបដោយសន្តិភាព ដោយឈរលើមូល ដ្ឋាននៃការគោរពគោលការណ៍ជាសារវ័ន្ត ក្នុងទំនាក់ទំនងអន្តរជាតិដែលត្រូវបាន ទទួលស្គាល់យ៉ាងទូលំទូលាយ”៕
តាម VOV5 - វិទ្យុសំឡេងវៀតណាម
