ទិដ្ឋភាពនៃពិធី (រូបថតៈ VOV)
ពិធីអបអរសាទរខួបលើក ទី ១៥នៃពានរង្វាន់ផ្កាយមាសវៀតណាម និងពិធីប្រគល់ពានរង្វាន់ផ្កាយមាសវៀតណាមឆ្នាំ២០១៨ បានប្រារព្ធធ្វើឡើងនាព្រឹកថ្ងៃទី២៣ខែធ្នូនៅទីក្រុងហាណូយ។
ផ្កាយមាសវៀតណាមឆ្នាំនេះ បានកត់សម្គាល់នូវចំណុចផ្លាស់ប្តូរថ្មីមួយចំនួន។ ពោលគឺ នេះជាឆ្នាំដំបូង ដែលក្រុមប្រឹក្សាបានបោះឆ្នោត ជ្រើស រើសវិធីឲ្យពិន្ទុអាជីវកម្ម តាមរយៈការកសាងក្រុមលក្ខណៈវិនិច្ឆ័យដើម្បី រៀបលំដាន់ថ្នាក់សម្រាប់អង្គភាពអាជីវកម្ម។ លក្ខណៈជាក់ស្តែងសម្រាប់លក្ខណៈវិនិច្ឆ័យនីមួយៗរួមមាន: ក្រុមលក្ខណៈវិនិច្ឆ័យអំពីទ្រង់ទ្រាយ ប្រ សិទ្ធភាព ការទទួលខុសត្រូវ រួមទាំងលក្ខណៈវិនិច្ឆ័យអាទិភាពមួយចំនួនផ្សេងទៀត។ ជាមួយនឹងការជ្រើសរើសយក TOP 10 នោះ ក្រុមប្រឹក្សា បានបោះឆ្នោតជ្រើសរើសពាណិជ្ជសញ្ញាជួរមុខចំនួន២០ បន្ទាប់មកបោះ ឆ្នោតជ្រើសរើសពាណិជ្ជសញ្ញាចំនួន១៥ ដែលជាពាណិជ្ជសញ្ញាល្អបំផុតដើម្បីធ្វើ ជាមូលដ្ឋានក្នុងការបោះឆ្នោតជ្រើសរើស TOP 10 ។ លោក Dang Hong Anh ប្រធានសមាគមសហគ្រិនវ័យក្មេងវៀតណាមបានមានប្រ សាសន៍ថា៖ “ដំណើរការបោះឆ្នោតត្រូវបានត្រួតពិនិត្យជារៀងរាល់ឆ្នាំ ដែលតែងតែត្រូវបានកែលម្អតាមបែបវិទ្យាសាស្រ្ត ដោយគណៈកម្មាធិការរៀបចំការស្រាវជ្រាវ ដើម្បីធានានូវកិត្យានុភាពនិងគុណភាពនៃរង្វាន់ ហើយអ្នកជំនាញក្នុងវិស័យឧស្សាហកម្ម អ្នកជំនាញសវនកម្ម បានទៅដល់អាជីវកម្មដោយផ្ទាល់ដើម្បីវាយតម្លៃអាជីវកម្ម ហើយទាំងអស់នេះគឺជាការងារល្អិតល្អន់ខ្លាំងណាស់ ដែលបង្កើតឡើងតម្លៃរបស់ពានរង្វាន់នេះតែម្តង”។
អញ្ជើញចូលរួមក្នុងពិធី ឧបនាយករដ្ឋមន្ត្រី Vuong Dinh Hue បានអបអរសាទរអង្គភាពអាជីវកម្មចំនួន ២០០ ដែលទទួលបានពានរង្វាន់ផ្កាយមាសវៀតណាមឆ្នាំ ២០១៨ ព្រមទាំងអះអាងថា សមិទ្ធផលរួមក្នុងឆ្នាំ ២០១៨ នេះមានការរួមចំណែកយ៉ាងសំខាន់ របស់ហគមន៍ពាណិជ្ជកម្ម។ ចំនួនសហគ្រាសដែលបានចុះបញ្ជីថ្មីនៅឆ្នាំ ២០១៨បានឈានដល់កំណត់ត្រា ពោលគឺជាង ១៣០.០០០ អាជីវកម្ម ដែលរួមចំណែកដល់កំណើនផលិតផលក្នុងស្រុក កំណើនការងារ និងប្រាក់ចំណូលផងដែរ។ នៅក្នុងឆ្នាំ ២០១៨នេះ ក្រុមអាជីវកម្មវ័យក្មេងបានបង្កើតតម្លៃផលិតកម្មជាង ៣០ ពាន់លានដុល្លារអាមេរិក ដោះស្រាយការងារសម្រាប់ពលករជាង៣លាននាក់ផងដែរ៕
តាម VOV5 - វិទ្យុសំឡេងវៀតណាម
