• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញ​ទទួល​ជួបសម្តេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា

នារសៀលថ្ងៃទី ៧ ខែធ្នូ ឆ្នាំ២០១៨ នៅទីក្រុងហាណូយ អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានអញ្ជើញទទួលជួបគណប្រតិភូជាន់ខ្ពស់រាជរដ្ឋាភិបាលកម្ពុជា ដឹកនាំដោយសម្តេចតេជោហ៊ុនសែននាយក​រដ្ឋមន្ត្រីនៃព្រះរាជាណាចក្រកម្ពុជា ដែលបានអញ្ជើញមកបំពេញទស្សនកិច្ចជាផ្លូវការនៅវៀតណាម។

អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញទទួលជួប
សម្តេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា

នៅក្នុងជំនួបនេះ លោកប្រធានរដ្ឋ Nguyen Phu Trong បានសម្តែងក្តីសប្បាយរីករាយចំពោះទំនាក់ទំនងរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ដែលកាន់តែរីកចម្រើនជាក់ស្ដែង និងប្រកបដោយប្រសិទ្ធភាព។ លោកប្រធានរដ្ឋបានអះអាងថា វៀតណាមនឹងរួមជាមួយកម្ពុជា ខិតខំប្រឹងប្រែងអស់ពីកម្លាំងការ​យកចិត្តដើម្បីរក្សា ការពារ និងពូនជ្រំទំនាក់ទំនងសាមគ្គីភាព កិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា ក៏ដូចជាទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការរវាងប្រទេសទាំងបីវៀតណាម កម្ពុជា និងឡាវ ឲ្យកាន់តែអភិវឌ្ឍន៍ ដើម្បីផលប្រយោជន៍របស់ប្រជាជននៃប្រទេសនីមួយៗ
ដើម្បីសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍នៅតំបន់ និងលើពិភពលោក។អគ្គលេខាបក្ស ប្រធានរដ្ឋ លោក Nguyen Phu Trong ក៏បានអះអាងសារជាថ្មីឡើងវិញជាមួយសម្ដេចតេជោហ៊ុនសែនអំពីគោលមាគ៌ាកិច្ចការបរទេសឯករាជ្យ ម្ចាស់ការ ពិពិធកម្ម ពហុភាគីនូវទំនាក់ទំនងកិច្ចការបរទេសរបស់វៀតណាមផងដែរ។

 លោកប្រធានរដ្ឋ Nguyen Phu Trong បានសម្តែងក្តីសប្បាយរីករាយចំពោះទំនាក់ទំនងរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ដែលកាន់តែរីកចម្រើនជាក់ស្ដែង និងប្រកបដោយប្រសិទ្ធភាព

លោកប្រធានរដ្ឋបានវាយតម្លៃខ្ពស់ចំពោះលទ្ធផលនៃកិច្ចពិភាក្សារវាងនាយករដ្ឋមន្ត្រីទាំងពីររូប ហើយស្នើឲ្យនាយករដ្ឋមន្ត្រីទាំងពីររូបបញ្ជាណែនាំឲ្យក្រសួង ស្ថាប័នពាក់ព័ន្ធនានារួមសហការយ៉ាងជិតស្និទ្ធិក្នុងការអនុវត្តន៍ រាល់កិច្ចព្រមព្រៀងដែលបានចុះហត្ថលេខាប្រកបដោយប្រសិទ្ធភាព។ លោកប្រធានរដ្ឋក៏បានស្នើឲ្យភាគីទាំងពីរួមសហការគ្នា ដើម្បីសម្រេចរួចរាល់នូវឯកសារគតិយុត្តិជាក់ស្ដែងអំពីសមិទ្ធផល ៨៤ % នៃការងារខ័ណ្ឌសីម៉ា​បោះ​បង្គោលព្រំដែន ហើយខិតខំប្រឹងប្រែងសម្រេចរួចរាល់ការងារនេះឲ្យបានឆាប់ៗសំដៅកសាងខ្សែព្រំដែនប្រកបដោយ​សន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍រវាងប្រទេសទាំងពីរ។

 លោកប្រធានរដ្ឋបានវាយតម្លៃខ្ពស់ចំពោះលទ្ធផលនៃកិច្ចពិភាក្សារវាងនាយករដ្ឋមន្ត្រីទាំងពីររូប

ចំណែកឯសម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានសង្ដែងសេចក្តីសប្បាយរីករាយអំពីការអភិវឌ្ឍនៃទំនាក់ទំនងរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរកម្ពុជា និង​វៀត​ណាម​ក្នុងរយៈពេល ៤០ ឆ្នាំកន្លងទៅ ដែលនាំមកនូវផលប្រយោជន៍ជាក់ស្ដែងសម្រាប់ប្រជាជននៃប្រទេសនីមួយៗ ដើម្បីសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍នៅតំបន់ និងពិភពលោក។ សម្ដេចតេជោហ៊ុនសែនបានជំរាបលោកអគ្គលេខាបក្ស ប្រធានរដ្ឋអំពីស្ថានភាពនៅកម្ពុជានាពេលថ្មីៗ នេះ ហើយអះអាងថារាជរដ្ឋាភិបាលកម្ពុជាអាណត្តិទី ៦ នឹងប្ដេជ្ញាចិត្តដោះស្រាយបញ្ហាព្រំដែនគោកជាមួយវៀតណាម ក៏ដូចជាជំរុញទំនាក់ទំនងសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងវិនិយោគជាមួយវៀតណាមផងដែរ៕


តាម VOV5 - វិទ្យុសម្លេងវៀតណាម

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu ទីភ្នាក់ងារសារព័ត៌មានវៀតណាម(VNA) បានរៀបចំការតាំងពិព័រណ៍រូបថតអនឡាញជាបីភាសា គឺវៀតណាម អង់គ្លេស និងបារាំង ដើម្បីណែនាំអំពីរយៈពេល ៥៦ ទាំងថ្ងៃទាំងយប់តស៊ូរបស់កងទ័ព និងប្រជាជន ដើម្បីបង្កើតជ័យជំនះDien Bien Phu។

Top