ដំណោះស្រាយនវានុវត្តន៍ពីក្រុមចំនួនបីក្នុងចំណោមក្រុម​ចូលរួមវគ្គផ្តាច់ព្រ័ត្រទាំង ៣០០ក្រុម បានឈ្នះរង្វាន់កំពូល។ លោក Nguyen Khuong Duy នាយកផលិតផលនៃ FPT AI Factory ​និងជាសមាជិកគណៈវិនិច្ឆ័យបានឱ្យដឹងថា ចំណុច​គួរឱ្យកត់សម្គាល់នៃ VAIC ២០២៦ គឺវិធីសាស្រ្តយក AI ទៅដោះស្រាយបញ្ហាជាក់ស្តែង​។ សហគ្រាសបានផ្តល់តម្រូវការ ទិន្នន័យ និងបញ្ហាប្រតិបត្តិការដោយផ្ទាល់ បង្កើតជាឱ​កាសសម្រាប់ក្រុមអភិវឌ្ឍន៍ក្នុង​ការ​បង្កើត​​គំរូ AI ដែលផ្សារភ្ជាប់នឹងតម្រូវការ​របស់​ទីផ្សារ។ នេះក៏ជា​ទិសដៅសម​ស្របទៅ​នឹងយុទ្ធសាស្ត្រអភិវឌ្ឍន៍ AI របស់វៀតណាម ដោយផ្លាស់ប្តូរពីការស្រាវជ្រាវ​សុទ្ធសាធទៅជាការបង្កើតដំណោះស្រាយដែល​បម្រើដល់ការអភិវឌ្ឍសេដ្ឋកិច្ចសង្គម។

«​យើងបានប្តេជ្ញានាំ​យក​ដំណោះស្រាយរបស់ក្រុមទាំងនោះ មកកាន់​ក្រុមហ៊ុនរបស់យើងដើម្បីសាកល្បង។ នេះជារឿងសំខាន់ណាស់ ពីព្រោះដំណោះស្រាយមិនអាចអនុវត្តបាន​ទេ​ប្រសិន​បើគ្មានការសាកល្បងបែបនេះ។ ដំណោះស្រាយនិងកម្មវិធី​ភាគច្រើនត្រូ​វការកែ​តម្រូវបន្ថែមទៀត​ ឱ្យសមស្របទៅនឹងយន្តការប្រតិបត្តិការរបស់អង្គការ ឬអង្គភាព​ជាក់​ស្តែង​»​។

យោងតាមលោកស្រី ង្វៀន ធូថាវ នាយិកាគោល​នយោបាយសាធារណៈរបស់ Meta ទទួលបន្ទុក​ទីផ្សារវៀតណាម ឡាវ កម្ពុជា និងមីយ៉ាន់ម៉ា ដែលជាអ្នករៀបចំកម្ម​វិធី​បាន​ចែករំលែក​ថា កម្មវិធីនេះមានគោលបំណងស្វែងរកដំណោះស្រាយបញ្ញាសិប្បនិម្មិត (AI) សម្រាប់បញ្ហាជាក់ស្តែងដែលអាជីវកម្ម និងអង្គការនានាជួបប្រទះ ដោយរួមចំណែកដល់ការជំរុញប្រព័ន្ធអេកូឡូស៊ីនវានុវត្តន៍ និងការអភិវឌ្ឍ AI នៅវៀតណាម។​

VAIC ២០២៦ គឺជាព្រឹត្តិការណ៍មួយដែលបញ្ជាក់ពីការប្តេជ្ញាចិត្តនាំ AI ក្លាយជាបច្ចេកវិទ្យាយុទ្ធសាស្ត្ររបស់វៀតណាមនាពេលអនាគត៕​