ថ្លែងមតិក្នុងសិក្ខាសាលានេះ លោកបណ្ឌិត Thang Van Phuc ប្រធានសមាគម កំណត់ត្រាវៀតណាមបានឲ្យដឹងថា វិស័យសេដ្ឋកិច្ចឯកជន បានអភិវឌ្ឍន៍ជាជំហានៗ ទាំងទំហំ និងគុណភាព និងក្លាយជាកម្លាំងចលករដ៏សំខាន់នៃសេដ្ឋកិច្ចទីផ្សារតាម ទិសដៅសង្គមនិយម។ បច្ចុប្បន្ននេះ វៀតណាមមានសហគ្រាសឯកជនប្រមាណ ៩៤០.០០០ និងអាជីវកម្មលក្ខណៈគ្រួសារជាង ៥ លានដែលកំពុងដំណើរការ រួមវិភាគទានប្រមាណ ៥០% នៃផលិតផលក្នុងស្រុកសរុប (GDP) ជាង ៣០% នៃចំណូលថវិកាសរុប និងបង្កើតការងារធ្វើសម្រាប់ប្រមាណ ៨% នៃកម្លាំងពលកម្ម។ សហគ្រាសឯកជនជាច្រើនបានរីកចម្រើនយ៉ាងខ្លាំងក្លា កសាងម៉ាកយីហោដ៏មាន កិត្យានុភាព ហើយបានបញ្ជាក់ពីឋានៈរបស់ខ្លួននៅក្នុងតំបន់ និងទីផ្សារអន្តរជាតិ។

នៅក្នុងសិក្ខាសាលា អ្នកជំនាញសេដ្ឋកិច្ចបានវិភាគដំណើរការអភិវឌ្ឍន៍គោល នយោបាយ តួនាទីរបស់សហគ្រាសឯកជនក្នុងការវិនិយោគលើការស្រាវជ្រាវ វិទ្យាសាស្ត្រ ការអនុវត្តបច្ចេកវិទ្យា និងនវានុវត្តន៍; ស្នើយន្តការ និងគោលនយោបាយ ជំរុញសហគ្រាសវៀតណាមចូលរួមយ៉ាងសកម្មក្នុងខ្សែសង្វាក់តម្លៃសកលក្នុងយុគសម័យស្ទុះឈានទៅមុខរបស់ប្រទេសជាតិ ឆ្ពោះទៅរកគោលដៅអភិវឌ្ឍន៍យ៉ាងឆាប់រហ័ស និងប្រកបដោយនិរន្តរភាពក្នុងដំណាក់កាលខាងមុខ។ តំបន់សេដ្ឋកិច្ចឯកជនដើរតួនាទី កាន់តែធំធេងក្នុងការបង្កើតការងារ កំណើនសេដ្ឋកិច្ច និងនវានុវត្តន៍។ ដើម្បីពង្រីក សក្តានុពលនេះឲ្យបានអតិបរមា វៀតណាមចាំបាច់ត្រូវបន្តកែលម្អស្ថាប័ន បង្កើត បរិយាកាសធុរកិច្ចអំណោយផល ការពារសិទ្ធិទ្រព្យសម្បត្តិ ហើយលើកទឹកចិត្តការ ច្នៃប្រឌិតក្នុងតំបន់សេដ្ឋកិច្ចឯកជនផងដែរ៕