ការប្រគល់អំណោយលើកនេះ រួមមានម៉ាស៊ីនធ្វើរោគវិនិច្ឆ័យជំងឺរបេងរហ័សចំនួន ៣៨ គ្រឿង ជាមួយនឹងឧបករណ៍ធ្វើតេស្តចំនួន ៩០.០០០ និងម៉ាស៊ីន X-ray ឌីជីថលចំនួន ១០ គ្រឿងដែលនឹងត្រូវបានបែងចែកទៅកាន់មណ្ឌលសុខាភិបាលស្រុកនៅទូទាំងប្រទេស រួមទាំងបណ្តាខេត្តនៅដាច់ស្រយាលផងដែរ។

យោងតាមលោកស្រី Ann Marie Yastishock នាយកទីភ្នាក់ងារ USAID វៀតណាម បានឱ្យដឹងថា បច្ចុប្បន្ននេះ USAID កំពុងជួយដាក់បញ្ចូលការពិនិត្យជំងឺរបេង ទៅក្នុងយុទ្ធនាការចាក់វ៉ាក់សាំងបង្ការកូវីដ-១៩ របស់រដ្ឋាភិបាលវៀតណាម។ USAID នឹងបន្តជួយឧបត្ថម្ភការដាក់ឱ្យប្រើប្រាស់ នូវបច្ចេកវិទ្យានិងថ្នាំព្យាបាលជំងឺរបេងថ្មីដែលមានប្រសិទ្ធភាពខ្ពស់ ទៅកាន់ប្រទេសវៀតណាម ដែលជាផ្នែកមួយនៃទំនាក់ទំនងភាពជាដៃគូ និងសាមគ្គីភាព បន្តការអភិវឌ្ឍន៍ រវាងសហរដ្ឋអាមេរិក និងវៀតណាម ដើម្បីជួយគាំទ្រគោលដៅរួមរបស់វៀតណាមគឺបញ្ចប់ជំងឺរបេងនៅត្រឹមឆ្នាំ ២០៣០៕