Techfest Vietnam ២០២២ សន្យាថានឹងនាំមកនូវបទពិសោធន៍និងឱកាសថ្មីៗជាច្រើនសម្រាប់អ្នកចូលរួម មិនថាជាអ្នកវិនិយោគ អ្នកបង្កើតគោលនយោបាយ អ្នកជំនាញ ទីប្រឹក្សា គ្រូបង្វឹក ឬស្ថាបនិក ការស្រាវជ្រាវ មិនថានៅវៀតណាម ឬនៅជុំវិញពិភពលោកឡើយ។ Techfest Vietnam ២០២២ ក៏បានលេចចេញនូវភូមិបច្ចេកវិទ្យាថ្មីៗជាច្រើន សំដៅឧទ្ទេសនាមនិងផ្លាស់ប្តូរបច្ចេកវិទ្យាដែលកំពុងត្រូវបានយកចិត្តទុកដាក់ជាពិសេស ដូចជា៖ បច្ចេកវិទ្យា blockchain បច្ចេកវិទ្យាឱសថ Metaverse និងការផ្លាស់ប្តូរឌីជីថល។ ជាពិសេស សកម្មភាពតភ្ជាប់ការវិនិយោគត្រូវបានអនុវត្តតាមលក្ខណៈវិធីសាស្រ្តជាមួយនឹងសេវាកម្មជំនួយច្បាប់ដើម្បីជួយពង្រឹងការទាក់ទាញការវិនិយោគសម្រាប់អ្នកចាប់ផ្តើមអាជីវកម្មប្រកបដោយភាពច្នៃប្រឌិត។
ដើរទន្ទឹមគ្នានឹងសកម្មភាពសំខាន់ៗប្រចាំឆ្នាំនៅ Techfests ឆ្នាំមុនៗ សកម្មភាពជាបន្តបន្ទាប់នៅក្នុងព្រឹត្តិការណ៍ឆ្នាំនេះ បន្តត្រូវបានអភិវឌ្ឍន៍ដោយត្រិះរិះបើកចំហ បង្កើតស្ពានតភ្ជាប់ជាមួយស្ថាប័នវិទ្យាសាស្ត្រនិងបច្ចេកវិទ្យាដែលបាននិងកំពុងដំណើរការប្រកបដោយប្រសិទ្ធភាព ដូចជា៖ ការផ្ទេរបច្ចេកវិទ្យា ស្តង់ដារ ការវាស់វែង គុណភាព កម្មសិទ្ធិបញ្ញា ទីផ្សារបច្ចេកវិទ្យា ដើម្បីបង្កើតទំនាក់ទំនងជិតស្និទ្ធនៅក្នុងប្រព័ន្ធច្នៃប្រឌិតជាតិ៕
