នាថ្ងៃទី២៩ ខែកញ្ញា ឆ្នាំ២០១៧ នៅទីក្រុងហាណូយ នាយកដ្ឋានសារព័ត៌មាន (ក្រសួងព័ត៌មាននិងផ្សព្វផ្សាយវៀតណាម) បានរៀបចំសន្និសីទបណ្តុះបណ្តាលជំនាញផ្សព្វផ្សាយអំពី APEC ២០១៧ ដោយមានការចូលរួមរបស់អ្នកយកព័ត៌មាន អ្នកនិពន្ធមកពីបណ្តាស្ថាប័នសារព័ត៌មាន សំដៅផ្តល់នូវព័ត៌មានទូទៅអំពី APEC ២០១៧​ ឆ្ពោះទៅសប្តាហ៍ជាន់ខ្ពស់នៅ Da Nang នាពេលខាងមុខ។

អញ្ជើញថ្លែងមតិក្នុងពិធីបើក លោក Dang Khac Loi អនុប្រធាននាយកដ្ឋានសារព័ត៌មានបានសង្កត់ធ្ងន់ថា ដើម្បី​ត្រៀមរៀបចំឲ្យសប្តាហ៍ជាន់ខ្ពស់ដែលប្រព្រឹត្តទៅនៅទីក្រុង Da Nang ប្រកបដោយជោគជ័យនោះ ត្រូវមានការចូលរួមរបស់ប្រជាជនគ្រប់ស្រទាប់និងសង្គមទាំងមូល ដើម្បីលើកកំពស់មនសិការ ការទទួលខុសត្រូវ រួមដៃផ្សព្វផ្សាយរូបភាពប្រទេសវៀតណាមមួយមានសន្តិភាព ប្រជាជនរាក់ទាក់ រួសរាយ និងជាដៃគូគួរឲ្យទុកចិត្ត។ ប្រព័ន្ធឃោសនាគឺដើរតួនាទីសំខាន់ក្នុងការផ្សព្វផ្សាយអំពីរាល់ការខិតខំប្រឹងប្រែងរបស់ក្រសួងស្ថាប័ននានារបស់វៀតណាម សំដៅបម្រើព្រឹត្តិការណ៍សំខាន់នៃសប្តាហ៍ជាន់ខ្ពស់ APEC ២០១៧ផងដែរ។
លោករូបនេះសុំឲ្យតាមរយៈវគ្គបណ្តុះបណ្តាលនេះ អ្នកយកព៏ត៌មាននិងអ្នននិពន្ធទាំងអស់នឹងបានបំពាក់បំ​ប៉ន​បន្ថែមនូវព័ត៌មាន ចំណេះវិជ្ជានិងមនសិការទទួលខុសត្រូវ ដើម្បីអាចបង្កើតនូវវណ្ណកម្មសារព័ត៌មានត្រឹមត្រូវ​តាមការកំណត់ក្នុងការផ្សព្វផ្សាយឆ្នាំ APEC ២០១៧៕

តាម VOV5-វិទ្យុសម្លេងវៀតណាម