• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សន្និសីទធុរកិច្ចវៀតណាមអាមេរិក៖ “ដៃគូជឿទុកចិត្ត ភាពរុងរឿងយូរអង្វែង”


លោក Vu Tien Loc ប្រធានសភាពាណិជ្ជកម្មនិងឧស្សាហកម្មវៀតណាម VCCI បានថ្លែងនៅក្នុងសន្និសីទ (រូបថត៖ Mai Lien / VOV5)
 

នាថ្ងៃទី៩ ខែតុលា ឆ្នាំ២០២០ នៅទីក្រុងហាណូយបានប្រព្រឹត្តទៅសន្និសីទកំពូលធុរកិច្ចវៀតណាម - អាមេរិកឆ្នាំ ២០២០ ក្រោមប្រធានបទ “ដៃគូជឿទុកចិត្ត ភាពរុងរឿងយូរអង្វែង”។

ព្រឹត្តិការណ៍នេះ ដោយសភាពាណិជ្ជកម្មអាមេរិកប្រចាំទីក្រុងហាណូយ (AMCHAM) សភាពាណិជ្ជកម្មអាមេរិកនិងសភាពាណិជ្ជកម្មវៀតណាម (VCCI) រួមសហការរៀបចំឡើង ដោយមានការចូលរួមដោយផ្ទាល់និងតាម អនឡាញ របស់មេដឹកនាំរដ្ឋាភិបាល អតីតមន្រ្តីសហរដ្ឋអាមេរិក និងតំណាងធុរកិច្ចធំៗ ជាច្រើននៃប្រទេសទាំងពីរផងដែរ។

នៅក្នុងសន្និសីទនេះ លោក Tran Huy Dong អនុរដ្ឋមន្រ្តីក្រសួងផែនការនិងវិនិយោគវៀតណាមបានសង្កត់ធ្ងន់ថា ក្នុងបរិបទដែលសេដ្ឋកិច្ច នយោបាយពិភពលោកមានការវិវឌ្ឍន៍យ៉ាងស្មុគស្មាញ ជាពិសេស ផលប៉ះពាល់នៃការរីករាលដាលនៃកូវីដ ១៩ ដែលនាំឲ្យការវិនិយោគផ្ទាល់ពីបរទេសនៅលើពិភពលោក ទំនងជានឹងធ្លាក់ចុះរហូតដល់ ៤០% នៅឆ្នាំនេះ ប៉ុន្តែការទាក់ទាញវិនិយោគផ្ទាល់ពីបរទេសរបស់វៀតណាមនៅតែមានភាពវិជ្ជមាន ដោយទុនចុះបញ្ជីសរុបជាង ២១ ពាន់លានដុល្លារ ដែលបានចូលរួមវិភាគទានយ៉ាងសំខាន់ក្នុងកំណើនសេដ្ឋកិច្ច ២,១២% ក្នុងរយៈពេល ៩ ខែចុងក្រោយនេះ។ លោក Tran Huy Dong បានឲ្យដឹងថែមទៀតថា៖ “វៀតណាមគឺជាដៃគូដែលអាចជឿទុកចិត្តបានរបស់រដ្ឋាភិបាលនិងដៃគូវិនិយោគរបស់សហរដ្ឋអាមេ រិក។ តាមរយៈសន្និសីទនេះ យើងចង់ពង្រឹងការតភ្ជាប់វិនិយោគិន លើកទឹកចិត្តសម្ព័ន្ធក្រុមធំៗរបស់អាមេរិកបន្តនិយោគថ្មីនៅវៀតណាម។ ដើម្បីទទួលបានលំហូរវិនិយោគដែលមានគុណភាពខ្ពស់ក៏ដូចជាទាក់ទាញការវិនិយោគពីសម្ព័ន្ធក្រុមហ៊ុនធំៗ នៅលើពិភពលោកក្នុងនោះមានសហរដ្ឋអាមេរិក វៀតណាមបានបង្កើតក្រុមការងារដើម្បីជំរុញកិច្ចសហប្រតិបត្តិការហើយ ក៏កំពុងត្រៀមរៀបចំលក្ខខណ្ឌល្អបំផុតសម្រាប់សកម្មភាពវិនិយោគនៅវៀតណាមផងដែរ”។

ជាមួយនឹងការធ្វើកំណែទម្រង់បរិយាកាសវិនិយោគនិងវិធានការណ៍ប្រកបដោយប្រសិទ្ធភាព ដើម្បីបង្ការនិងទប់ស្កាត់ជំងឺរាតត្បាតកូវីដ ១៩ ឥឡូវនេះ វៀតណាមទទួលបានការវាយតម្លៃខ្ពស់ពីសហគមន៍អន្តរជាតិ និងក្លាយជាគោលដៅសុវត្ថិភាពគួរឱ្យទាក់ទាញ សម្រាប់វិនិយោគិនរួមទាំងអាជីវកម្មអាមេរិកជាច្រើនទៀត។ លោក Myron Brilliant អនុប្រធានប្រតិបត្តិនិងជាប្រធានផ្នែកអន្ដរជាតិនៃសភាពាណិជ្ជកម្មសហរដ្ឋអាមេ រិកបានបញ្ជាក់ថា AMCHAM និង VCCI នឹងបន្តបង្កើតក្របខ័ណ្ឌសម្រាប់កិច្ចសហប្រតិបត្តិការពាណិជ្ជកម្មក្នុងទិសដៅជាក់ស្តែងនិងមានប្រសិទ្ធភាព។

“ថ្វីត្បិតតែនៅមានបញ្ហាជំពាក់ជំពិនខ្លះ ប៉ុន្តែយើងឃើញថា ភាគីទាំងពីរទទួលបានជោគជ័យយ៉ាងច្រើន ទាក់ទងនឹងការអភិក្រមទីផ្សារ ហើយអង្គភាពអាជីវកម្មអាមេរិកពង្រីកការវិនិយោគនៅវៀតណាមច្រើនជាង។ តាមរយៈសន្និសិទនេះ យើងអាចអភិក្រមលើដំណោះស្រាយបន្ថែមទៀត ដើម្បីជួយឱ្យភាគីទាំងពីរ ជំរុញកិច្ចសហប្រតិបត្តិការឱ្យកាន់តែរឹងមាំលើវិស័យជាច្រើន ដូចជាថាមពល កសិកម្ម កម្មសិទ្ធិបញ្ញា ការសម្របសម្រួលពាណិជ្ជកម្មនិងការអនុវត្តបច្ចេកទេសឌីជីថលជាដើម។ ដោយហេតុនេះ អាចជួយធ្វើឱ្យកិច្ចសហប្រតិបត្តិការទ្វេភាគីកាន់តែស៊ីជម្រៅលើគ្រប់វិស័យដែរ”។ នេះបើយោងតាមប្រសាសន៍របស់លោក Myron Brilliant អនុប្រធានប្រតិបត្តិនិងជាប្រធានផ្នែកអន្ដរជាតិនៃសភាពាណិជ្ជកម្មសហរដ្ឋ អាមេរិក។

កិច្ចប្រជុំកំពូលធុរកិច្ចវៀតណាមអាមេរិចគឺជាព្រឹត្តិការណ៍សំខាន់មួយដែលកត់សំគាល់រយៈពេល ២៥ ឆ្នាំនៃការបង្កើតទំនាក់ទំនងការទូតរវាងប្រទេសទាំងពីរ  ១៩៩៥-២០២០ ផងដែរ៕

តាម VOV5 - វិទ្យុសំឡេងវៀតណាម

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

នៅថ្ងៃទី២០ ខែកញ្ញា ឆ្នាំ២០២៣ នៅទីក្រុងហូជីមិញ វិទ្យាស្ថានបណ្ឌិតសភាវិទ្យាសាស្រ្តសង្គមវៀតណាម (VASS) សហប្រតិបត្តិការជាមួយនឹងវិទ្យាស្ថានបណ្ឌិតសភាកម្ពុជា (RAC) រៀបចំសិក្ខាសាលាអន្តរជាតិក្រោមប្រធានបទ៖ “សហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា ក្នុងបរិបទសេដ្ឋកិច្ចឌីជីថល”។ សិក្ខាសាលាទាក់ទាញអ្នកតំណាងជាថ្នាក់ដឹកនៃអ្នកឯកទេស អ្នកវិទ្យាសាស្រ្ត អ្នកគ្រប់គ្រង ស្ថាប័នការទូតជាង១០០នាក់ អញ្ជើញមកចូលរួម។

Top